Te fa’a’itera’a i te ’oa’oa i Kēnia
I tō Robert ’itera’a mai i te ’evanelia, ’ua hina’aro ’oi’oi ’oia e fa’a’ite atu i te reira i te mau ta’ata ato’a tāna i mātau. ’Aita, ’oia mau—i te mau ta’ata ato’a.
Mau hōho’a nā Leslie Nilsson ’e ’o Eric D. Snider
Mai tōna bāpetizora’ahia i te ’āva’e ’Ātete 2024, ’ua ’āfa’i mai Robert L., 18 matahiti, nō Kēnia, hau atu i te 50 hoa i te fare purera’a—’e ’ua bāpetizohia e 25 o rātou !
’O te rahira’a ïa ’o tā mātou i fa’a’ite iāna a tau ’āva’e i ma’iri a’enei. ’Ua mara’a paha te nūmera i teienei.
E melo Robert nō te ’āma’a nō Bukuru i roto i te mata’eina’a nō Kisumu i Kēnia, ’ua ’ite mātāmua mai ’oia i Te ’Ēkālesia a Iesu Mesia i te Feiā Mo’a i te mau Mahana Hope’a nei i te ’ōmuara’a o te matahiti 2024, ’a fārerei ai ’oia i te hō’ē ta’ata Marite e ’ohipa ra i roto i te Tauturura’a i te ao nei i Kēnia.
’Ua parau Robert, « ’aita vau i mana’o, e maita’i roa mai tō’u orara’a ». « ’Aita tā tō’u nā metua e moni ; ’aita e ti’a ia rāua e ’āfa’i iā’u i te ha’api’ira’a ». (I Kēnia, e mea aufau te fare ha’api’ira’a a te hau).
« ’Ua ’ite rā vau e tauturu mai tō’u Metua i te ao ra iā’u. ’Ua ha’amata vau i te pure ’e i te tai’o i te Faufa’a ’Āpī. I muri iho ’ua fārerei au i tō’u ’onatauturu ».
E melo tōna « ’onatauturu », nō Te ’Ēkālesia a Iesu Mesia i te Feiā Mo’a i te mau Mahana Hope’a nei, ’o tei ha’amaita’i i te orara’a o Robert nā roto e piti rāve’a : ’Ua tauturu ’oia iāna ’ia haere i te ha’api’ira’a ’e hau atu i te faufa’a, ’ua fa’a’ite atu iāna i te ’evanelia (mai te tahi atu taure’are’a tamāroa tei tomo mai i roto i te ’Ēkālesia ’aita i maoro a’enei). ’Ua bāpetizohia Robert e ono ’āva’e i muri mai.
’Ua ani manihini Robert L. nō Kēnia ’ahuru ta’ata ’ia haere mai i te purera’a—te ta’ata tupu, te mau hoa ha’api’ira’a, te mau tamari’i nā muri ia rātou ’oia e rave ai i te tū’aro—te mau ta’ata ato’a.
Tē hōro’ara’a i te ta’ata nō muri mai
’Ōhie noa, ’ua hina’aro Robert e fa’a’ite atu i tōna mau ha’amaita’ira’a ’āpī ia vetahi ’ē. E’ita e ti’a iāna e ’aufau i te ha’api’ira’a nō te ta’ata ato’a. E nehenehe rā ’oia e mea pāpū maita’i e ha’api’i ia rātou i te ’evanelia !
’Ua ha’amata ’oia i te ani manihini i te ta’ata ’ia haere mai i te purera’a—te ta’ata tupu, te mau hoa ha’api’ira’a, te mau tamari’i nā muri ia rātou ’oia e rave ai i te tū’aro—te ta’ata ato’a tāna i mātau. Tē nā ’ō ra ’oia, « i te hō’ē sābati, ’ua haere mai au ’e e pae ta’ata, i muri iho i te tahi atu sābati ’e e 10 ta’ata ». « I muri iho, ’ua ’āfa’i atu vau i te mau misiōnare ’ia māramarama rātou ’e ’ia ’ite ē, e parau mau teie ’Ēkālesia ’e ’ia nehenehe ia rātou ’ia ora i te mea tā’u e ora nei ».
’Aita i maoro roa, ’ua mā’iti te tahi o te mau hoa o Robert ’ia bāpetizohia, ’e ’ua ani iāna ’ia rave i te ’ōro’a.
’Ua tupu vitiviti te ’Ēkālesia i ’Āfirīta, maoti te mau pipi mai ia Robert te huru. ’Ua bāpetizo ’oia 10 ta’ata hō’ē hepetoma, 11 i te hepetoma i muri iho, ’e 4 « noa » i te hepetoma i muri fa’ahou mai.
Tē ani manihini nei Robert i te mau hoa ’ia haere mai i tāna ’āma’a o te ’Ēkālesia, ’o tē ruru nei i raro a’e i te hō’ē fare ’ie i ni’a i te hō’ē māhora matie.
Hau atu i te tātini o teie mau hoa tei bāpetizo-’āpī-hia tei ’āpe’e atu iāna, i te hō’ē ’āmuira’a JSF i Kēnia i te ’āva’e Tītema i ma’iri a’enei, ’oia ato’a hō’ē hoa tei bāpetizo a’ena hō’ē ’o tōna mau hoa.
’A hi’o na mea nāhea teie pūai i te haerera’a i mua ? ’Ua fa’a’amu ’oia iāna iho !
Te putapūra’a i te Vārua
Tē parau nei Fredrick A., 17 matahiti ē, i tō tōna hoa Robert anira’a iāna ’ia haere i te purera’a, ’ua putapū pūai roa ’oia i te Vārua, ’aita i ti’a iāna e pāto’i i te anira’a.
’Ua pārau Fredrick, « i tō’u taera’a i te fare purera’a, ’ua tonohia mai te Vārua o te Atua i ni’a iā’u ». « I te hōro’ara’ahia mai nā’u te Buka a Moromona, ’ua ha’amata vau i te tai’o i te reira. ’Ia ’ore ana’e au e māramarama, e ani ihoā vau i tō’u peresideni ’āma’a ’e e pure au ».
Robert (i te pae ’aui) ’e ’o Fredrick ’ua vai hoa noa rāua mai te taime ’a fa’a’ite ai Robert iāna i te ’evanelia.
Gift M., 18 matahiti, te tahi atu hoa tā Robert i bāpetizo. Ma te mata ’ata’ata, ’ua parau Gift, « tē ’oa’oa nei au i te rirora’a ’ei melo nō te ’Ēkālesia mau—te ’Ēkālēsia mau ana’e i roto i te a’o ato’a ».
Tē tīa’i onoono nei Gift nō te tāvini i te hō’ē misiōni.
E rave rahi ta’ata tā Robert i ani manihini ’ia haere mai i te purera’a, tei mā’iti ’ia bāpetizohia, ’e ’ua ani manihini rātou i te tahi atu mau ta’ata ’ia haere ato’a mai.
Tē vai fa’ahou ra te ’ohipa e rave
Tē ’ōpua nei Robert e haere i te misiōni rave tāmau ’ia oti ana’e tāna ha’api’ira’a (mai tā Gift ’e tā Fredrick i rave). Nō te aha ’oia e hina’aro ai e rave i te reira, ’ua māramarama a’ena ho’i ’oia e nāhea ’ia fa’a’ite atu i te ’evanelia ?
’Ua parau Robert, « e ti’a iā’u e haere i te misiōni nō te ora hau atu i te mau ’itera’a ’e ’ia ha’api’i rahi mai atu ā ». « E ha’apūai te reira i tō’u fa’aro’o ’e e taui i tō’u huru. ’O te mea ïa tā te Atua e hina’aro ’ia rave au ».
’Aita Robert i fa’aea i te fa’a’ite i te ’evanelia. Tē ’ōpua nei ’oia e tāvini i te hō’ē misiōni. « ’O te mea ïa tā te Atua e hina’aro ’ia rave au » ’ua parau ’oia.