E ’ere te pohe i te hope’ara’a

Fa’ahōho’ara’a nā Katelyn Budge

’Ua tāpe’ahia tō’u metua vahine i te fare ma’i i te ro’ora’ahia ’oia i te ma’i uaua roro. ’Ua fa’a’ārepurepuhia mātou, ’e ’ua ui au iā’u iho nō te aha te Atua i vaiiho ai ’ia tupu teie ’ati.

Noa atu tō mātou tapitapi, ’aita i mo’e ia mātou te fa’aro’o. ’Ua pāpū ia mātou ē, e ora mai ’oia. E mea maita’i roa ’oia e tae roa, tau ’āva’e i muri iho, ’ua ro’o-fa’ahou-hia ’oia i te ma’i uaua roro. ’Aita roa e ti’a iāna e haere, e paraparau ’e e mea fifi roa nōna ’ia tāmā’a. ’Ua tāmau noa mātou i te pure nō te ani i te tauturu a te Atua.

’Ua ’aro noa tō’u māmā i teie ma’i e tae roa i tōna fa’aru’era’a mai. ’Ua ’ite au ē e mana tō te Atua nō te fa’aora iāna, tōna rā hina’aro ’ia ho’i tō’u māmā iāna ra. ’Ua ’ite au ē, mai te mea e ora vau i tō’u orara’a mai te au i te mau fa’auera’a a te Fatu, e nehenehe au e tāhō’ē-fa’ahou-hia i tō’u māmā ’e i tō’u ’utuāfare. ’Ua ’ite au ē, maoti te tāra’ehara a tō tātou Fa’aora, e ti’afa’ahou mai tātou. E ’ere te pohe i te hope’ara’a.