Na cava o Saioni?

Ena ivolanikalou, na vosa Saioni e rawa ni kena ibalebale:

• “Ko ira sa savasava na lomadra” (Vunau kei na Veiyalayalati 97:21).

• O ira na nona tamata na Turaga, se na Lotu kei na kena iteki (raica na Vunau kei na Veiyalayalati 82:14).

• E dua na vanua vakatabakidua era tiko ka soqoni vata kina na tamata ni Turaga, me vakataka:

  1. Na koro o Inoke (raica na Mosese 7:18).

  2. Na koro makawa o Jerusalemi (raica na 2 Samuela 5:6–7; 1 Tui 8:1; 2 Tui 9:28).

  3. Na Jerusalemi Vou—e dua na siti me na tara ena iotioti ni gauna e Jackson County, Missouri, Amerika (raica na Vunau kei na Veiyalayalati 45:66–67; Yavu ni Vakabauta 1:10).

E dina ga ni ra sega ni soqoni vata na lewe ni Lotu nikua ki na dua na vanua donu, eda sa “vakaitavi ena dua na cakacaka cecere ni kena tauyavutaki o Saioni me vakavakarau ki na nona lesu tale mai na Turaga.” Era sa vakavulici keda na noda iliuliu me da tauyavutaka na Saioni ka vaqaqacotaka na Lotu ena vanua cava ga eda tiko kina. Eda cakava oqo, ena dua na tikina, ena noda vakasaqara me da bula me vakataki ira na tamata o “Saioni.” Me kena ivakaraitaki, ena Mosese 7:18 eda vulica kina:

• Ni ra sa “yalovata ka duavata ena nodra vakasama.”

• Era kitaka na ivalavala dodonu.

• Sa sega vei ira sa dravudravua.