“Na Cava e Duatani Kina na Nomu Lotu?”

Au dau vakataroga se cava meu na kaya kevaka e dua e taroga, “Na cava e duatani kina na nomu lotu?” A qai mate vakasauri na luvei keirau tagane qase duadua, ka biuta tu mai na watina totoka kei na va na luvena. Ena neitou rarawa, na ivakavuvuli ni kosipeli vakalesui mai i Jisu Karisito a kauta mai na matata kei na vakacegu. Na ilavelave ni vula oqo e vakamatatataka e tolu vei ira na ivakavuvuli duatani oqori:

iMatai, na ivakaro vakauqeti ni matavuvale e vakavulica vei keda ni “ena vakatara vei keda na ituvatuva vakalou ni bula marau me da laki tomana tale na noda veiwekani vakamatavuvale ena tai kadua ni ibulubulu.” (Raica na tabana e 26.)

iKarua, ena Lotu ni Turaga, eda rawata kina na lewa kei na kaukauwa ni matabete ni Kalou—na kaukauwa vata ga a bulia na vuravura ka vakaduavatataka tawamudu na matavuvale. (Raica na tabana e 2.)

iKatolu, o ira na tamata ni veiyalayalati ni iVakabula ena Nona Lotu era sa vakavakarau tiko ki na iKarua ni Nona Lako Mai, ka sa vu ni reki. (Raica na tabana e 18, 22.)

Ni ko vulica tiko na ilavelave oqo, sa noqu masu mo na kunea vakataki iko na dina oqo ka raica rawa na isau ni taro, “Na cava e duatani kina na nomuni lotu?”