Vakacegu ni Koniferedi

Droini mai vei Katelyn Budge

Au a kerei meu vosa ena dua na koniferedi ni iteki. Ia au a nanuma ni na sega na gauna meu vakavakarau kina ni sa roro tiko mai na noqu ilesilesi eso ni vuli.

Niu se vakatulewataka tiko meu na vosa, a vakayacori e dua na koniferedi raraba. A vakavulica o Elder Carl B. Cook, “Noda cakacakataka noda vakabauta na noda iVakabula, o Jisu Karisito, ena vukea meda lako curuma na yalolailai se dredre cava ga eda sotava.”

Au a nanuma na nona vukei au na Turaga meu qarava vakavinaka na noqu itavi ena veigauna sa oti. Niu semata na veika au sotava kei na ivakadinadina nei Elder Cook, au kila ni na soli vei au na kaukauwa meu vakayacora na noqu vosa ena koniferedi ni iteki ka sega ni rere.

Au vakadinadinataka ni gauna au dau nuiqawaqawa se rere kina, ena vakauqeti au na Karisito mai na nodra vosa na parofita kei ira tale eso na iliuliu ni Lotu, na ivolanikalou, kei ira na tamata era tu wavoliti au.