“O ira na noqu itokani vinaka era cakava tiko na digidigi eso au sega ni logaloga vinaka kina. Na cava beka meu cakava?

“Tukuna vei ira na nomu itokani na veika o vakila. Na salatu ki na dua na veimaliwai bulabula ena tadola ni da veitaratara. Ena so na gauna e dredre baleta ni da nanuma ni ra na cudru na noda itokani, ia e tiko e dua na kena iwali: cakava na ka ena cakava na Karisito ka cakacaka ena yalololoma.”

Luan R., 19, São Paulo, Brazil

“Ena so na gauna era dau digidigi na itokani ena vuku ni veivakasaurarataki vakaicaba. Kevaka meu vosa vei ira na noqu itokani me baleta na nodra digidigi, au rawa ni veivuke ena nodra tarogi ira ki na nodra takete kei na veika era dau vakamareqeta. Ena so tale na gauna, eda sega ni duavata ena veika e vinaka se bibi, ia e dodonu me da dui doka na noda nanuma kei na galala ni digidigi.”

Maggie J., 18, Texas, USA

“O na rairai lomaleqa beka baleta ni tukuna tiko vei iko na Yalo Tabu ni sega ni dodonu na ka era cakava tiko. Sureti ira me ra cakava e dua tale na ka.”

Lorenzo M., 12, Quezon City, Filipaini

“Sa rawa mo liutaki ira ki na salatu ni Kalou se vakasaqara eso tale na itokani era na veivakayarayarataki vinaka. Masu mo kila na vakatulewa mo vakayacora. Vakararavi ki na vakatulewa i Tamamu Vakalomalagi, ka na tuberi iko o Koya.”

Haiden W., 15, Washington, Amerika

“Au na cakava na noqu vinaka taucoko meu ivakaraitaki vinaka. Au na masulaki ira talega baleta niu kila ni rarama e dau qaqa tu ga mai na butobuto.”

Isaac M., 19, Lualaba, Democratic Republic of the Congo

“Mo doudou ka yaloqaqa me vakataki Moronai. Ena yaco kece na gauna me ra na vakatulewa cala na noda itokani, ka da na gadreva na veivuke mai vua na Tamada Vakalomalagi me da lako curuma rawa kina. Ena veimataka au dau masuta meu daramaka na iyaragi ni Kalou, ka sa dau vukei au sara vakalevu oqo!”

Asa F., 15, Utah, Amerika

“Lomani ira ka me caudre na nomu rarama. Era na tekivu rokova na tamata na nomu vakatulewa. Keitou a lewe duadua ga ni Lotu i Jisu Karisito ni Yalododonu Edaidai vakamatavuvale ena neitou koronivuli, kau raica ni ra sa sega ni vosa ca wavoliti keitou na tamata baleta ni ra kila ni keitou duatani.”

Penelope W., 13, Central Region, Portugal