Danic L.

iTaba mai vei Clayton Chan

Ena vuqa na siga, au vakila niu sega ni vinaka ka vaka meu dua na ivakararawa. Ia au dau vakasamataka tu ga na ka e nanuma vei au na Kalou. Au nanuma na kequ ituvaki vakalou, na kequ icavacava vakalou, ka sa dua dina na kaukauwa kei na iyaqa vei au.

Au dau qito badminton, ka ni oti na nomu qito ena dua na sotasota qai druka, vakabibi vua e dua o nanuma ni o rawa ni vakadruka, o na yalolailai sara vakalevu. Ena veigauna vakaoqori au dau nanuma ni tu e kea na Kalou me baleti au, ka solia vei au na kaukauwa meu toso tikoga.

E rawa ni o vakila na loloma ni Kalou ni o rai Vua. E dau tu ga e kea o Koya me baleti iko, ka rawa ni tiko vei iko na kaukauwa vakalou e rawa ni solia vei iko o Koya.

Ko Jisu Karisito sa noda iVakabula dina. E a mate ena vuku ni noda ivalavala ca. Na loloma a gadreva o Koya me lomasoli me mate ena vukuda—au vakabauta ni sa dua na loloma e dredre me vakamacalataki. E sega ni saumi rawa ka kaukauwa sara.