E Sega ni Kena iCavacava na Mate

Droini mai vei Katelyn Budge

A curu e valenibula o tinaqu ena stroke. Keitou a kurabui sara, kau vakataroga se cava a vakatara kina na Kalou me yaco na ka oqo.

Se cava ga na neitou lomaleqa, a sega ni yali na neitou vakabauta. Keitou kila ni na bula vinaka mai o koya. A bula vinaka tu me yacova ni oti e vica na vula a qai tauvi koya tale e dua na stroke. A sega ni rawa ni lako se vosa ka dredre vua na kana. Keitou a masulaka tikoga na veivuke mai vua na Kalou.

A valuta o tinaqu na ituvaki oqo me yacova nona takali yani. Au kila ni a rawa vua na Kalou me vakabulai koya, ia sa Nona lewa me lesu tale Vua. Au kila ni kevaka meu bulataka na noqu bula me vaka na ivakaro ni Turaga, au na rawa ni lai duavata tale kei koya kei na noqu matavuvale. Au kila ena vuku ni Veisorovaki ni noda iVakabula, eda na tucaketale. Na mate e sega ni kena itinitini vei keda.