សំណួរ និង ចម្លើយ
« មិត្តល្អរបស់ខ្ញុំកំពុងធ្វើការជ្រើសរើសដែលខ្ញុំមានអារម្មណ៍មិនសូវស្រួលចិត្ត ។ តើខ្ញុំត្រូវធ្វើអ្វី ? »
« និយាយជាមួយមិត្ដភក្ដិរបស់អ្នកអំពីអារម្មណ៍របស់អ្នក ។ ផ្លូវទៅកាន់ទំនាកទំនងដែលកាន់តែវិជ្ជមានបើកឡើង នៅពេលដែលមានការទំនាក់ទំនងគ្នា ។ ពេលខ្លះវាជាការលំបាកព្រោះយើងគិតថា មិត្តភក្តិរបស់យើងអាចនឹងខឹង ប៉ុន្តែមានដំណោះស្រាយមួយ ៖ ធ្វើអ្វីដែលព្រះគ្រីស្ទនឹងធ្វើហើយធ្វើដោយក្ដីមេត្ដា » ។
ឡូអាន អ័រ អាយុ ១៩ឆ្នាំ ទីក្រុងសៅប៉ូឡូ ប្រទេស ប្រេស៊ីល
« ពេលខ្លះមិត្ដភក្ដិធ្វើជម្រើសដោយសារតែមានសម្ពាធពីរង្វង់មិត្ដភក្ដិ ។ បើសិនខ្ញុំនិយាយជាមួយមិត្ដភក្ដិរបស់ខ្ញុំអំពីជម្រើសរបស់ពួកគេ ខ្ញុំអាចជួយពួកគេទទួលខុសត្រូវលើគោលដៅ និងគុណតម្លៃរបស់ពួកគេ ។ ពេលខ្លះទៀត យើងមិនយល់ស្របអំពីអ្វីដែលល្អ ឬសំខាន់នោះទេ ប៉ុន្ដែយើងត្រូវតែគោរពនូវយោបល់ និងសិទ្ធិជ្រើសរើសរបស់អ្នកដទៃ » ។
ម៉ាកហ្គី ចេ អាយុ ១៨ឆ្នាំ រដ្ឋតិចសាស់ ស.រ.អា.
« ប្រហែលជាអ្នកមានអារម្មណ៍មិនស្រួលចិត្ដដោយសារព្រះវិញ្ញាបរិសុទ្ធកំពុងប្រាប់អ្នកថា អ្វីដែលពួកគេកំពុងធ្វើគឺមិនត្រឹមត្រូវ ។ សូមអញ្ជើញពួកគេឲ្យធ្វើកិច្ចការផ្សេងពីនេះ » ។
ឡូរិនហ្សូ អិម អាយុ ១២ឆ្នាំ មកពីទីក្រុងឃ្វិនហ្សិន ប្រទេសហ្វីលីពីន
« អ្នកអាចដឹកនាំពួកគេឆ្ពោះទៅរកផ្លូវរបស់ព្រះ ឬស្វែងរកមិត្ដភក្ដិថ្មីដែលមានឥទ្ធិពលល្អ ។ សូមអធិស្ឋានដើម្បីដឹងពីការសម្រចចិត្ដដែលត្រូវធ្វើ ។ ជឿជាក់លើការវិនិច្ឆ័យរបស់ព្រះវរបិតាសួគ៌របស់អ្នក ហើយទ្រង់នឹងដឹកនាំអ្នក » ។
ហាយឌិន ដបុលយូ អាយុ ១៥ឆ្នាំ រដ្ឋវ៉ាស៊ីនតោន ស.រ.អា.
« ខ្ញុំនឹងធ្វើឲ្យអស់ពីសមត្ថភាពដើម្បីក្លាយជាគំរូដ៏ល្អ ។ ខ្ញុំក៏នឹងអធិស្ឋានសម្រាប់ពួកគេព្រោះខ្ញុំដឹងថា ពន្លឺតែងតែឈ្នះលើភាពងងឹត » ។
អ៊ីសាក អិម អាយុ ១៩ឆ្នាំ ទីក្រុងឡាវឡាបា សាធារណៈរដ្ឋប្រជាធិបតេយ្យកុងហ្គោ
« ត្រូវអង់អាច ហើយក្លាហានដូចជាមរ៉ូណៃ ។ យើងនឹងមានមិត្ដភក្ដិដែលធ្វើការសម្រចចិត្តមិនល្អ ហើយយើងនឹងត្រូវការជំនួយពីព្រះវរបិតាសួគ៌ដើម្បីឆ្លងកាត់រឿងនេះ ។ ជារៀងរាល់ព្រឹក ខ្ញុំអធិស្ឋានដើម្បីពាក់អាវក្រោះនៃព្រះ ហើយការណ៍នេះបានជួយខ្ញុំខ្លាំងណាស់ ! »
អេសា អេហ្វ អាយុ ១៥ឆ្នាំ រដ្ឋយូថាហ៍ស. ស.រ.អ.
« ស្រឡាញ់ពួកគេ ហើយចូរឲ្យពន្លឺរបស់អ្នកបានភ្លឺឡើង ។ មនុស្សនឹងចាប់ផ្តើមគោរពការសម្រេចចិត្តរបស់អ្នក ។ គ្រួសាររបស់ខ្ញុំ និងខ្ញុំគឺជាសមាជិកតែមួយគត់នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនៅសាលារបស់យើង ហើយខ្ញុំកត់សម្គាល់ឃើញថាមនុស្សឈប់និយាយពាក្យជេរនៅក្បែរៗយើង ដោយសារពួកគេដឹងថាយើងខុសពីគេ » ។
ភេណូឡូភេ ដបុលយូ អាយុ ១៣ឆ្នាំ តំបន់កណ្តាល ប្រទេសព័រទុយហ្គាល់