សេចក្ដីស្លាប់មិនមែនជាទីបញ្ចប់នោះទេ

ម្តាយរបស់ខ្ញុំបានសម្រាកព្យាបាលជំងឺដាច់សរសៃឈាមខួរក្បាលនៅមន្ទីរពេទ្យ ។ វាបានធ្វើឲ្យយើងភ្ញាក់ផ្អើល ហើយខ្ញុំឆ្ងល់ថាហេតុអ្វីបានជាព្រះអនុញ្ញាតឲ្យរឿងនេះកើតឡើង ។

ទោះបីជាយើងព្រួយបារម្ភក៏ដោយ ក៏យើងមិនបាត់បង់សេចក្ដីជំនឿទេ ។ យើងដឹងថាគាត់នឹងជាសះស្បើយ ។ គាត់មិនអីនោះទេ រហូតដល់ប៉ុន្មានខែក្រោយមកគាត់បានដាច់សរសៃឈាមខួរក្បាលម្ដងទៀត ។ គាត់មិនអាចដើរ ឬនិយាយបានទេ ហើយពិបាកក្នុងការញ៉ាំ ។ យើងបានបន្ដអធិស្ឋានទូលសុំជំនួយមកពីព្រះ ។

ម្ដាយរបស់ខ្ញុំបានតស៊ូនឹងជំងឺនេះរហូតដល់គាត់ទទួលមរណភាព ។ ខ្ញុំដឹងថាព្រះមិនមែនអសមត្ថភាពក្នុងការព្យាបាលគាត់ទេ ប៉ុន្ដែវាជាព្រះឆន្ទៈរបស់ទ្រង់ដែលថាគាត់នឹងត្រឡប់ទៅរកទ្រង់វិញ ។ ខ្ញុំដឹងថាប្រសិនបើខ្ញុំរស់នៅតាមព្រះបញ្ញត្ដិរបស់ព្រះអម្ចាស់ ខ្ញុំអាចជួបជុំជាមួយគាត់ និងគ្រួសាររបស់ខ្ញុំម្ដងទៀត ។ ខ្ញុំដឹងថាដោយសារដង្វាយធួនរបស់ព្រះអង្គសង្គ្រោះរបស់យើង យើងអាចរស់ឡើងវិញបាន ។ សេចក្ដីស្លាប់មិនមែនជាទីបញ្ចប់សម្រាប់យើងទេ ។

អានិស្សែត ភី អាយុ ១៧ ឆ្នាំ ទីក្រុងគីនស្សាសា សាធារណៈរដ្ឋប្រជាធិបតេយ្យកុងហ្គោ

ចូលចិត្តស្តាប់តន្ត្រី ចំណាយពេលជាមួយគ្រួសារ អានព្រះគម្ពីរ និងសៀវភៅល្អៗ ។