?Hem i wan nogud fasin blong luk ansa long intanet o yusum atifisol waes blong wan long skulwok?

Sot ansa hem i, yes.

Teknoloji i putum infomesen stret long ol fingga blong yu. I wan gudfala tul blong lukaotem mo lanem samting. Be kwestin blong stap kopi ol ansa long intanet o yusum atifisol waes blong skul wok hem i no abaot wanem we i stret blong mitim nid. Hem i abaot wanem i stamba tingting blong edukesen blong yu.

“Papa long Heven i wantem ol pikinini gel mo boe blong Hem blong oltaem stap lanem samting. … Edukesen…i pat ia blong gol blong yu blong oltaem blong kam moa olsem Papa long Heven” (Blong Ol Yut Oli Kam Strong: Wan Gaed Buk blong Stap Mekem Ol Joes [2022], 31). Kaen edukesen olsem hem i blong stap developem maen blong yu mo save blong yu . Hem i no abaot wanem nao bae yu tekemaot blong mekem i hapen wanem we i gat nid.

Mo abaot kwestin blong stap kopi ansa: Sapos skul blong yu o tija i talem long yu blong no kopi ansa aot long intanet o yusum atifisol waes, yu no mas mekem. Sapos tija blong yu i givim asaenmen blong yu blong raetem wan samting, be yu mas raetem. Sapos yu no sua long ol samting we oli no letem blong yusum long eni asaenmen, askem tija blong yu.

“Laef wetem klin fasin i minim se yu lavem trutok wetem ful hat blong yu—bitim we yu lavem … blong winim tingting blong man” (Blong Ol Yut Oli Kam Strong: Wan Gaed blong Mekem Ol Joes, 31).