Wan Bigfala Pikja

?Yu bin plei finis long wan From Wanem gem? Hem i samting olsem:

?From wanem nao mi mas go long skul? Blong mekem se yu save kasem wan gudfala wok. ?From wanem nao mi mas gat wan gudfala wok? Blong mi save mared mo gat ol pikinini. ?From wanem bae mi mekem hemia? Blong mekem se ol pikinini blong yu oli save go long skul.

Afta, gem i stat bakegen. Hem i olsem nating nomo sapos i nogat wan bigfala pikja. Hemia i wanem we yumi kasem blesing blong gat. Yumi singaotem plan blong hapines, mo i givim stamba tingting mo mining long yumi. Hem i givim yumi ol risen we oli impoten long ples mo blong taem we i no save finis. Hemia i wanem we namba ia blong Blong Ol Yut Oli Kam Strong hem i abaot.

Tru long plan ia blong Papa long Heven—mo wetem Jisas Kraes mo stret Atonmen blong Hem we oli impoten pat insaed long plan ia—bae yu faenem strong filing ia blong wantem rere from fiuja, mo paoa blong stap rere from. Edukesen, wok, famli, mo seves blong yu long Jos i save kam wan bigfala samting bitim wan hevi samting blong winim.

!Yu save mekem hemia from Jisas Kraes i sapotem yu!