Stap Serem Gospel… ?long wan Naesfala Pak?

I no long taem i pas, mi bin go long naesfala pak wetem sam fren blong mi long jos. Long taem we mi mo Evie i stap stanap long laen from wan rolakosta, wan yang man we nem blong hem i Erik i stat blong stap toktok long mitufala abaot Yutub janel blong hem. Hem i tokbaot kolosap 15 minit abaot olsem wanem ol pipol long skul blong hem oli jikim hem mo talem long hem blong dilitim janel blong hem.

Long Jos, ol lida blong mifala i givim jalenj long mifala blong tekem wan gaed blong Blong Ol Yut Oli Kam Strong mo serem wetem wan man. Mi luk olsem Erik i stap go tru long hadtaem wetem ol fren, mi tingting se bae gaed ia i save helpem hem.

Mi pulumaot mo pasem wan long hem mo talem long hem blong kipim. Hem i askem se wanem ia, mi mi eksplenem se hem i blong Jos blong mi mo se bae i save helpem hem blong mekem ol gud desisen mo tijim hem ol nara gudfala samting. Mi talem long hem se hem i mas ridim taem hem i gat taem. Hem i talem se Oraet, i pusum i go long paket blong set blong hem, mo gohed blong tokbaot yutub janel blong hem.

Mi no save se hem i bin ridim gaed, be eksperiens ia i tijim se yu save kam wan misinari long eni ej, long eni ples —iven long wan naesfala pak.