Trastem Lod

Pikja i kam long Katelyn Budge

Taem ol sista misinari oli bin tijim famli blong mi blong fastaem abaot plan ia blong fasin blong sevem man, afta long ded blong papa blong mi, samtaem mi wari mo no save sapos mi bilivim. Be ol brata blong mi oli stap kwaet mo helpem mi blong biliv mo no tingting tumas long evri samting.

Samtaem mi no filim strong tumas long Jos. Be sapos mi gat wan samting we mi wari abaot o wan problem we mi stap go tru long hem, oltaem mi traem blong tingting long wan samting: Trastem Lod. Hem i lidim mi i go long ples we mi sapos blong stap long hem.

Hemia from wanem mi wantem go long misin—blong andastanem Hem moa mo andastanem wanem Hem i wantem mi blong mekem. Taem mi luk ol misinari mo spirit we oli gat wetem olgeta, mi wantem blong kam olsem olgeta. Oli ol gudfala eksampol blong disaepol blong Jisas Kraes. From ol eksampol blong olgeta, mi glad tumas blong go long misin afta we mi graduet long hae skul. Mi wantem blong givim hapines mo save we mi gat long ol fren blong mi mo ol narawan.