“Mi gat plante bigbigfala desisen blong mekem. ?Olsem wanem nao mi save kasem revelesen blong miwan?”

“Stadi long ol gudfala mo ol nogud samting mo jusum wanem nao bae i holembak yu blong stap stret wetem God. Tingbaot blong prea bifo, long taem blong, mo afta we yu mekem desisen blong yu. Spirit bae i konfemem long yu wanem nao i stret.”

Laneah S., 16, Utah, USA

“Blong stap prea mo ridim skripja, bae i helpem yu 100% Skripja i talem se, ‘Askem mo bae yufala i kasem.’ !Askem! Mo afta wok from wanem we yu nidim. Tingbaot, bae Lod i oltaem givim!”

Parker B., 16, California, USA

“Askem Papa long Heven mo ridim ol toktok blong Hem. Luk hao bae Tabu Spirit i givhan long yu taem yu raetem daon evri tingting we yu kasem evri dei, mo yu save faenem ol wei abaot olsem wanem yu kasem revelesen blong yuwan.”

Caleb A., 18, North Carolina, USA

“Buk blong Momon i wan long ol bes tul we yumi gat blong kasem revelesen blong yuwan. Yumi save lanem samting aot long ol olfala profet blong yumi, eksampol.”

João C., 19, São Paulo, Brazil

“Ansa blong yu samtaem bae i no kam kwik, mo samtaem bae i kam. Samtaem ansa i kam olsem wan filing we i spesel tumas o wan singsing we yu harem long jos. Ol famli mo fren we yu trastem i save givim ol gud advaes.”

Anabel V., 12, Utah, USA