?Wea Nao Bae Mi Faenem Hop Taem Wan We Mi Lavem I Ded?

Taem papa blong mi i bin ded, wan samting we i helpem mi bigwan i fet blong mi long Jisas. Bifo we famli blong mi i joenem jos, mifala i ol Katolik. Mi no bin laekem blong stap go long jos, be mama blong mi i fetful tumas. Afta we papa blong mi i ded, mi tingbaot mama blong mi i bin talem se hem i nomo wantem blong biliv.

Mama blong mi i gat wan fren we i memba blong Jos Ia blong Jisas Kraes blong Ol Lata‑dei Sent, mo hem i tekem ol misinari i kam long hom blong mifala. Mifala i bin gat ol lesen tugeta mo stat blong go long jos. Mi stat blong biliv long Jisas mo God mo fet blong mi i stat blong gro. Nomata se papa blong mi i bin ded, mi gat fet se sam dei bae mifala i luk hem bakegen. Mifala i save stap tugeta long heven tru long Jisas Kraes.

Jisas Kraes i oltaem stap ia wetem yu. Taem yu harem nogud o wari o yu gat wan nogud dei, yu save lukluk long Hem from Hem i lavem yu. !Bae Hem i faet blong yu.