Afta long Laef Ia
Ol Ansa blong Sam Kwestin
Plan blong Papa long Heven i save givim yumi wan lukluk mo pis abaot laef afta long ded.
Pikja droing i kam long Thomas Arnaud
?Wanem i hapen afta we yumi ded?
Hemia i kwestin blong evri relijin. Ol ansa we yumi gat tru long Jisas Kraes mo gospel blong Hem oli gat paoa. Laef ia i no en wetem ded. From we Jisas i bin laef bakegen long ded, spirit blong yumi bae i joen wetem bodi blong yumi bakegen, mo bae yumi evriwan bae laef bakegen long ded wan dei.
Yes, i gat ol nara ditel abaot laef afta long ded we i kam long yumi tru long revelesen blong tedei we i save ansarem ol nara kwestin we yumi gat. Hemia sam kwestin ia wetem sam long ol sot simpol ansa.
Spirit bodi blong yumi i luk olsem wanem?
Spirit i wan samting we i impoten, “hem i moa gud o klin evriwan” (Doktrin mo Ol Kavenan 131:7). Spirit bodi i olsem ol bodi blong adalt man.
?Spirit wol i stap wea?
?Wanem i stap go long spirit wol?
Long evri nara samting, spirit we i akseptem gospel oli oganaes blong prijim gospel long ol spirit we oli no bin akseptem gospel. Ol spirit ia oli save akseptem o sakemaot gospel ia.
?Spirit bodi we i laef bakegen long ded i luk olsem wanem?
Ol bodi we i laef bakegen long ded i nomo save ded, oli ol mit mo bun, mo oli stret gud evriwan. Ol bodi ia oli gat glori mo oli naes. “I no gat wan samting we i moa naes blong lukluk long hem bitim wan man o woman we i laef bakegen long ded.”
?Wanem nao i stap hapen long selestial kingdom?
Olgeta long digri o ples we i moa hae insaed long selestial kingdom, oli kam olsem Papa blong yumi long Heven mo oli eksperiensem wan glad we i fulwan. Oli kasem evri samting we Papa i gat. Oli tekpat long wok mo glori blong Hem. Oli sil long mared blong taem we i no save finis mo naoia oli stap wetem wan famli we i no save finis, oli gat ol spirit pikinini blong olgetawan we i no save finis.
Be, ?Olsem wanem long ol pipol we oli neva mared long laef ia?
Papa long Heven i stret gud evriwan mo gat sore. “Lod i bin promesem se long ol taem we oli no save finis, bae evriwan i kasem blesing, evriwan long ol boe mo gel blong hem we oli bin obei long ol komanmen, oli tru long kavenan blong olgeta, mo oli wantem mekem wanem we i raet”
Papa mo mama blong mi i bin sil long tempol, be naoia tufala divos. ?Wetem huia nao mi mi sil long hem?
Yu save “bon long kavenan” (hemia i we yu bon afta we papa mo mama tufala i sil long tempol), o yu save sil long papa mo mama blong yu long tempol afta we tufala i sil long wanwan long tufala. Long situesen ia, ol blesing blong yu i stap strong nomo iven sapos papa mo mama blong yu i jusum blong divos mo mekem siling blong tufala i kansel.
Ol joes blong papa mo mama blong yu i no afektem ol blesing blong yu. Impoten samting i blong yu stap strong mo fetful mo lukaotem ol blesing blong tempol blong yuwan. Nomata long ol famli rilesensip blong yu, yu mas “gat tras long Lod mo lukaotem kamfot blong Hem” mo save se “Papa long Heven bae i mekem sua se wanwan man o woman i kasem evri blesing folem ol joes mo tingting blong hat blong hem.”
?Wanem nao i hapen long ol pipol we oli kilim ded olgetawan?
Yumi no save wanem i hapen long ol pipol we oli ded long fasin blong kilim ded olgetawan, mo yumi no save jajem olgeta (semmak long evri pipol). “Nomata long ol bes efot blong olgeta we yumi lavem, ol lida mo ol profesonol, yumi no save blokem fasin blong man i kilim ded hemwan. …
“Hem i no stret blong wan i kilimded hemwan bakegen. Be, God nomo i save jajem ol tingting, ol aksen, mo mak blong wan we bae i akaontebol long hem (luk long 1 Samuel 16:7; Doktrin mo Ol Kavenan 137:9. …
Olgeta we oli lusum wan we oli lavem, hem we i bin tekemaot laef blong hem, oli save faenem hop mo hiling long Jisas Kraes mo long Atonmen blong Hem.”