Smol Haos, Bigfala Plan

Pikja i kam long Katelyn Budge

Famli blong mi i bin stap long wan bigfala haos, be evri samting i jenis taem mifala i muv i go long Hanoi. Mifala i stap long wan smol haos, abaot teti skwea mita. Blong stap long wan smol spes wetem tri nara pipol insaed long famli blong mi i bin had.

Be mi glad se God i save help blong mekem ol gud samting oli kam long eni situesen. Long taem ia, mi bin save stap wan intepreta long jos mo blong papa mo mama blong mi. Mi save prea evri dei, pasem sakramen, mo welkamem ol pipol we oli stap investigetem gospel. Mi save se God i bin blesem mi mo lidim mi blong mekem ol samting ia.

Tru long evri jenis long taem ia, fet blong mi i kam moa strong evri dei. Plante pipol oli no save abaot gospel long kantri blong mi, mekem se mi mi wan yang paeonia. Mi wantem tumas blong serem gospel blong Jisas Kraes wetem ol pipol blong helpem olgeta blong gat wan hapi laef blong taem we i no save finis wetem Jisas Kraes mo Papa long Heven.