Flavia C.

Foto i kam long Christina Smith

Mi bin lusum leg blong mi long wan tren aksiden.

Mi bin stap sidaon long wan tren taem mi filim se fon i foldaon aot long han blong mi—wan i bin stilim aot long mi. Kwik taem mi ron folem man ia tru long wan tren trak we i nogat doa. Mi no sua se wanem stret i bin hapen, be afta mi faenem se mi stap andanit long tren, mi stap singaot from help.

Mi bin wekap sam dei i pas long hospital. Mi lanem se mi bin lusum leg blong mi long raet. Long taem we mi stap long hospital, mi krae plante taem. Be famli, fren mo jos famli blong mi oli oltaem stap wetem mi mo helpem mi.

Mi save tu se Papa long Heven mo Jisas Kraes i bin helpem mi. Bifo long evri operesen blong leg blong mi, oltaem mi mekem prea blong miwan se evri samting bae i oraet mo se bae mi no mas fraet. Evri taem we mi no filim hop, Lod i stap ia.

Mi gohed blong kam oraet mo mi stap traem blong muv fored wetem help blong Sevya.