Fakataha ʻo e Efiafi Tokonakí
Moihuú
Ngaahi Konga Fakamatalá
Ko e hā ʻene ʻuhinga kiate koe mo au ʻa e moihū ki he ʻOtuá? …
ʻUluakí, ko e Ngaahi Ngāue ʻOku Fakahoko ʻi Heʻetau Moihuú
Ko e taha ʻo e ngaahi founga moihū angamaheni mo mahuʻinga tahá ko e fakataha mai ki ha potu kuo fakatāpui ke fakahoko ha ngaahi ngāue ʻo e moihuú. …
ʻOku fakaʻilongaʻi ʻa e moihū ʻi he ʻaho ʻo e ʻEikí ʻaki ha tokanga taha ki he feilaulau fakalelei maʻongoʻonga ʻa Sīsū Kalaisí. … Kiate kinautolu ʻoku loto-fakatomalá, ko hono maʻu ʻo e sākalamēnití ko e konga mahuʻinga taha ia ʻo e moihū ʻi he Sāpaté.
… ʻI heʻetau hoko ko ha Kāingalotú, ʻoku tau fefakamālohiaʻaki ʻi he moihū pea ʻi he tui.
Ka neongo iá, he ʻikai lava ke ngalo ʻa e ngaahi tōʻonga fakaʻaho ʻo e moihuú ʻoku tau fakahoko fakafoʻituitui pea ʻi ʻapí. …
Ko e Ngaahi ʻUlungaanga mo e Ongo ʻoku Fakahaaʻi ʻi he Moihuú
ʻOku ʻuhinga ʻa e moihū moʻoní ke ʻofa ki he ʻOtuá mo fakaʻatā hotau lotó Maʻana—ʻa e meʻaʻofa mahuʻinga taha te tau lava ʻo foakí. …
Ko e sīpinga eni ʻo e moihū ʻa Sīsū ki he Tamaí. …
Ko e moihuú ʻa e tulifua ke muimui ki he sīpinga haohaoá ni. …
Tolú, ko e Taumuʻa Fakapatonu ʻo ʻEtau Moihuú
Ko ha meʻa pē ʻoku toe fakamuʻomuʻa ʻi he moihū ki he Tamaí mo e ʻAló ʻoku hoko ia ko ha ʻotua tamapua. … Ko e taumuʻa ʻo ʻetau moihuú ʻoku fakapatonu pē ki he “ʻOtua moʻoni pē taha, mo Sīsū Kalaisi, ʻa ia naʻá [Ne] fekaú.”
Fakaʻosí, ko e Fiemaʻu ke Muimui ki he Tamaí mo e ʻAló
Ko e aofangatukú, mahalo ko e anga ʻo ʻetau moʻuí ʻa e founga lelei mo moʻoni taha ʻo e moihuú. ʻOku ʻuhinga hono fakahaaʻi ʻetau moihuú ke muimui ki he Tamaí mo e ʻAló—ʻo tanumaki Hona ngaahi ʻulungāngá mo e tōʻongá ʻiate kitautolu. …
… ʻI heʻetau ʻaʻeva ʻi he hala ʻo e fuakavá, “ʻoku [fakahaaʻi] ʻa e … mālohi [fakamāʻoniʻoni] ʻo e anga faka-ʻOtuá” ʻiate kitautolu.