Teuteu Fakataautaha ke Feʻiloaki mo e Fakamoʻuí

ʻI he taimi ʻoku lea ai ʻa Palesiteni Nalesoni ʻo kau ki he Hāʻele ʻAnga Uá, ʻoku fakahoko maʻu pē ia ʻaki ha fakatuʻamelie fakafiefia. Neongo iá, naʻe toki talamai ʻe ha kiʻi taʻahine Palaimeli kimuí ni mai ʻoku hohaʻa ia ʻi he taimi kotoa pē ʻokú ne fanongo ai ki he Hāʻele ʻAnga Uá. Naʻá ne pehē, “ʻOku ou ilifia he ʻe hoko ha ʻū meʻa fakamanavahē kimuʻa pea toe hāʻele mai ʻa Sīsuú.”

… Ko e faleʻi lelei taha maʻana, maʻau, pea mo aú ko e muimui ki he ngaahi akonaki ʻa e Fakamoʻuí. …

ʻI he fakaʻosinga ʻo e ngāue ʻa Sīsū Kalaisi ʻi he māmaní, naʻe toe fehuʻi ange kiate Ia pe ko e fē taimi te Ne toe hāʻele mai aí. …

Naʻe tomuʻa fai ʻe he Fakamoʻuí ʻa e talanoa fakatātā ʻo e kau tāupoʻou ʻe toko hongofulú. …

Ko e lēsoni mahuʻinga ʻo e talanoa fakatātā ko ʻeni ʻo e kau tāupoʻou ʻe toko hongofulú, ʻoku tau poto ʻi he taimi ʻoku tau tali ai ʻa e ongoongoleleí, fekumi ke maʻu ʻa e Laumālie Māʻoniʻoní, pea fakaʻehiʻehi mei he kākaá. … ʻOku pau ke tau fai eni maʻatautolu pē.

Naʻe fakahoko leva ʻe he Fakamoʻuí ʻa e talanoa fakatātā ʻo e ngaahi talēnití. …

Ko e pōpoaki ʻe taha ʻo e talanoa fakatātaá ni ko e ʻamanaki mai ʻa e ʻOtuá ke fakalahi hotau tuʻunga malava kuo foaki maí, ka ʻoku ʻikai ke Ne finangalo ke fakafehoanaki ʻa e meʻa ʻoku tau lavá ki he niʻihi kehé. …

Fakaʻosí, naʻe fakahoko ʻe he Fakamoʻuí ʻa e talanoa fakatātā ʻo e fanga sipí mo e fanga kosí. …

Ko e lēsoni ʻo e talanoa fakatātā ʻa e Fakamoʻuí ki he fanga sipí mo e fanga kosí ko ʻetau fakaʻaongaʻi ʻa e ngaahi meʻafoaki kuo foaki maí—ʻa e taimí, ngaahi talēnití, mo e ngaahi tāpuakí—ke tokoniʻi e fānau ʻa e Tamai Hēvaní, tautautefito kiate kinautolu ʻoku tuʻu laveangofua mo faingataʻaʻiá.

Ko ʻeku fakaafe ki he tokotaha Palaimeli naʻá ku lave ki ai kimuʻá, pea kiate kimoutolu takitahá, ke muimui kia Sīsū Kalaisi mo falala ki he Laumālie Māʻoniʻoní ʻo hangē ko haʻo fai ia ki ha kaungāmeʻa mamae.