Ngaahi Tokoni Fakalangi ki he Moʻui Fakamatelié

Ko hono moʻoní, ko e tokoni mahuʻinga taha kuo fai ʻe he ʻOtuá ki Heʻene fānaú ʻi he moʻui fakamatelié ko hono ʻomi ha Fakamoʻui ko Sīsū Kalaisi, ʻa ia te Ne mamahi ke fuesia ʻa e totongí mo fakamolemoleʻi ʻa e ngaahi angahala kuo fakatomalaʻí. …

ʻOku ʻomi ʻe he palani ʻetau Tamai Hēvaní ha ngaahi tokoni kehe ke tataki kitautolu ʻi heʻetau ngaahi fononga fakamatelié. Te u lea fekauʻaki mo ha [ngaahi tokoni peheni ʻe fā]. …

ʻUluakí, ʻoku ou lea ki he Maama pe Laumālie ʻo Kalaisí. ʻI heʻene ako mālie ʻi he tohi ʻa Molonaí, [ʻoku lave ai ʻa Molonai] ki he akonaki ʻene tamaí “ʻoku foaki ʻa e Laumālie ʻo Kalaisí ki he tangata kotoa pē, koeʻuhi ke ne ʻiloʻi ʻa e leleí mei he koví” (Molonai 7:16). …

Ko hono ua ʻo e tokoni maʻongoʻonga kuo ʻomi ʻe he ʻEikí ke tokoniʻi kitautolu ke tau fili ʻa e meʻa ʻoku totonú ko ha ngaahi fakahinohino fakalangi kehekehe ʻi he folofolá ko ha konga ʻo e palani ʻo e fakamoʻuí (palani ʻo e fiefiá). Ko e ngaahi fakahinohino ko ʻení ko e ngaahi fekau, ngaahi ouau mo ha ngaahi fuakava.

ʻOku fakamahinoʻi ʻe he ngaahi fekaú ʻa e hala kuo fakaʻilongaʻi ʻe heʻetau Tamai Hēvaní maʻatautolu ke tau fakalakalaka ai ki he moʻui taʻengatá. …

Ko e ngaahi ouaú mo e ngaahi fuakavá ko ha konga ia ʻo e fono ʻokú ne fakamahinoʻi ʻa e hala ki he moʻui taʻengatá. …

Ko e ngaahi tokoni kehe mei he ʻOtuá ʻi hono fai ʻa e ngaahi fili ʻoku totonú, ko e ngaahi fakahā ʻo e Laumālie Māʻoniʻoní. …

Ko e taha ʻo e ngaahi tokoni mahuʻinga taha ʻa e ʻOtuá ki Heʻene fānau faivelengá ko e meʻafoaki ʻo e Laumālie Māʻoniʻoní. …

Tuʻunga ʻi he lahi ʻo e ngaahi tokoni maʻongoʻonga ke tataki kitautolu ʻi heʻetau fononga fakamatelié, ʻoku fakamamahi ʻa e tokolahi ʻo e niʻihi ʻoku nau taʻe-mateuteu ke feʻiloaki mo hotau Fakamoʻui mo e Huhuʻi ko Sīsū Kalaisí. …

Ko e loto-fakatōkilaló mo e falala ki he ʻEikí ʻa e faitoʻo ki he ngaahi fakahehema peheé.