Pea ‘Oku Mau Lea ‘ia Kalaisi

ʻOku fakautuutu hono fakaafeʻi kitautolu ʻe he kau palōfita moʻui ʻi hotau kuongá—ʻa ia ʻoku nau maʻu fakahā mei he ʻOtuá ke akoʻi mo tataki kitautolú—ke tau haʻu kia Kalaisi. … Te tau lava ʻo fakalau ha ngaahi sīpinga lahi ʻo e ngaahi liliu mo e ngaahi fakalelei naʻe fanongonongo ʻe he Kau Palesitenisī ʻUluakí ʻa ia ʻoku fakataumuʻa ke tukutaha ʻetau tokangá ʻia Sīsū Kalaisí. …

Tau vakaiʻi fakalelei angé ʻa e ola ʻo ha niʻihi ʻo e ngaahi meʻá ni. ʻUluakí, ko e fakaʻilonga ʻo e Siasí.

… ʻOku fakahaaʻi ʻe he fakaʻilonga ko ʻení ʻa e foʻi moʻoni ko Kalaisi ʻa e uho ʻo Hono Siasí pea ʻoku totonu ke hoko Ia ko e uho ʻo ʻetau moʻuí. …

… Ko e fakaʻilonga ko ʻení ko ha fakatātā ia ʻo e ʻofa ʻa e Fakamoʻui ko Sīsū Kalaisí pea mo ha fakamanatu maʻu pē ʻo e Kalaisi moʻuí. …

Tau fakakaukau muʻa ʻi he taimí ni ki he mahuʻinga ʻo e Toetuʻú. … Ko hono fakanounoú, kuo tapou mai ke tau hiki ki ha founga fakamanatua māʻolunga mo māʻoniʻoni ange ʻo e Toetuʻú. …

ʻOku fakaʻatā kitautolu ʻe he Toetuʻú ke tau fakaʻapaʻapaʻi ʻa e feilaulau fakalelei ʻa Sīsū Kalaisí pea mo ʻEne Toetuʻu moʻoni mo fakafiefiá. …

… Neongo ʻoku hangē ʻoku fakautuutu ʻa e fiemaʻu ʻe he kau mataotao kehekehe ʻi he ako faka-Kalisitiané ke vakai ki he Toetuʻú ʻi ha ngaahi lea fakatātā mo fakataipe, ka ʻoku tau fakapapauʻi ʻetau tokāteliné “ʻoku ʻuhinga ʻa e Toetuʻú ʻe toetuʻu ʻa e tokotaha kotoa pē kuo moʻuí, pea ʻoku moʻoni ʻa e Toetuʻú.” … Naʻe maumauʻi ʻe Sīsū Kalaisi ʻa e ngaahi haʻi ʻo e maté maʻá e laumālie kotoa pē ʻoku moʻuí. …

Ko hono fakaʻosí, ʻoku ou fakamoʻoni ko kinautolu kotoa pē ʻoku nau tali ʻa e ngaahi fakaafe mei hotau palōfita moʻuí mo hono ongo tokoní ke fakamanatua ʻa e tefitoʻi ʻuhinga ʻo e ngaahi meʻa māʻoniʻoni naʻe hoko ʻa ē ʻoku fakafofongaʻi ʻe he Toetuʻú, ʻe toe mālohi ange ʻenau fehokotaki mo Sīsū Kalaisí.