M̧wen̄an eo an Joteen in Jādede
Kwe Ri Kraist
Jidik in kōnono in
Men ko Eaar Jar rej Jab Maron̄ Jeje, jān Casey Childs
Ke ļaddik eo nejim ej kūlaaj emān, kūlaaj eo an rekar ekkāleel opiija im ro m̧ōttan Eli rekar kālete bwe en ri ekajet n̄an kūlaaj eo aer. Juon raan juon ri ekajet jān 2nd District ear itok, ear kanuknuk Eli kōn kōbar in jerbal eo an, innām kōm̧m̧ane juon iien kallim̧ur an opiij n̄an kūlaaj eo aer. Mennin ear kairuji ikdeleel ippān n̄an ekkatak kakien im Rikōm̧m̧an kien eo Make, Jisōs Kraist.
Ālkin elōn̄ iiō in kijeje, Eli ar bōk juon kūr n̄an juon intōrpiu ippān juon iaan kāālet ko an n̄an jikuuļ in kakien. Ekar ba, “… Kajjitōk eo āliktata ar, ‘Ia eo kwōj bōk am̧ ājinkōj ikijeen jim̧we im bōd?’ … Iar ba bwe n̄e aolepān laļin enaaj mour kōn katak ko an Jisōs Kraist ilo Kwaļo̧k eo Ion Toļ , lal in enaaj juon jikin em̧m̧anļo̧k, eaenōm̧m̧anļo̧k.” Innām ekar dedeļo̧k intōrpiu eo, im ear ļōmņak ippan make, “Etal in kōttōpar eo aō ne jān ke iar dik. Ejjeļo̧k juon ilo jikin jeļāļo̧kjen ko ekōņaan ron̄ kōn Jisōs Kraist.”
Ruo wiik tokelik, Eli ear deļo̧n̄ kōn juon jāān in jipan̄. M̧okta jān an kar kāālet, kōm ear loļo̧k jikin jikuuļ eo. … Ekabwilōn̄lōn̄, ilo am kar etetalļo̧k ilo ļaibrāre eo im ettōņaak ko kem kar elolo būļāāk im jeje ko ilo dekā kōn naan ko jān Kwaļo̧k eo Ion Toļ.
Kwaļo̧k eo ion Toļ watōke ke ej kwaļo̧k eo ebun̄bun̄ tata kar kwaļo̧ke, jinointata ilo katak ko an. Ejjeļo̧k bar juon iien kwaļo̧k emaron̄ jipan̄ kōj meļeļeļo̧k kadkad in Jisōs Kraist, jinōkjej ko An rekwojarjar, im jibadbad eo ad n̄an erom āinwōt E. …
Jej aikuj rome Meram an Jisōs Kraist ilo aolep kona ko ilo mour ko ad. …