M̧wen̄an eo an Jibbon̄ in Jabōt
Jipan̄ ko Rekwojarjar n̄an Mour in
Jidik in kōnono in
Ilo m̧ool, jipan̄ eo an Anij ilo mour in ekajoor tata ej kōpooj juon Rilo̧mo̧o̧r, Jisōs Kraist, eo enaaj kar en̄taan n̄an kōļļāik wōņāān im letok jeorļo̧k bōd in jerawiwi ko n̄an ukweļo̧k jāni. …
Karōk eo an Jemed Ilan̄ ej leļo̧k jipan̄ ko jet n̄an tōl kōj ilo iaļ eo ad ilo mour in. Inaaj kōnono kōn emān iaer. …
M̧oktata, Ij kōnono kōn Meram ak Jetōb eo an Kraist. Ilo katak eo an eļap ilo bok in Moronai, Moronai ej kōnono jān katakin eo an jemān bwe “Jetōb eo an Kraist em̧ōj leļo̧k e n̄an aolep armej, bwe en maron̄ jeļā em̧m̧an jān nana” (Moronai 7:16). …
Jipan̄ ko reļļap kein karuo kar litok jān Irooj n̄an jipan̄ kōj kāālet ta eo ejim̧we rej jejjo kōmeļeļe im tōl ko rej waļo̧k ippān doon ilo jeje ko rekwojarjar ejja m̧ōttan wōt karōk in lo̧mo̧o̧r eo (karōk in m̧ōņōņō). Tōl kein rej kien ko, kain̄i ko, im bujen ko.
Kien ko rej kōmeļeļeik iaļ eo Jemādwōj Ilan̄ ekar kakōļļeik n̄an kōj n̄an eddōkļo̧k ie m̧aanļo̧k n̄an mour indeeo.
Kain̄i ko im bujen ko rej m̧ōttan kien eo me ej kōmeļeļeik iaļ eo n̄an mour indeeo. …
Jipan̄ ko jet kar liļo̧k jān Anij n̄an kōm̧m̧ani kāālet ko rejim̧we rej kwaļo̧k ko jān Jetōb Kwojarjar. …
Juon iaan jipan̄ ko reļļap tata an Anij n̄an ro Nejin retiljek ej menin letok eo an Jetōb Kwojarjar. …
Kōn ekanooj lōn̄ jipan̄ ko rekajoor n̄an tōl kōj ilo iaļ ko ad ilo mour in, ekainepata bwe ekanooj lōn̄ rej pād ilo jab pojak n̄an iien eo karōk n̄an aer iioon ad Rilo̧mo̧o̧r im Ripinmuur, Jisōs Kraist. …
Ettā bōro im lōke ilo Irooj rej uno ko n̄an kain jeerļo̧k kein.