M̧wen̄an eo an Joteen in Jādede
Im Jej Kōnono kōn Kraist
Jidik in kōnono
Rikanaan ro remour ilo tōre in ad—ro rej bōk revelesōn jān Anij n̄an katakin im tōl kōj—eļapļo̧k aer karuwaineneik kōj n̄an itok n̄an Kraist. … Jemaron̄ lo oktak in waajon̄ak ko n̄an kōkm̧anm̧anļo̧k kar kōjjeļā eo jān Būreejtōn eo kein Kajuon me raar kwaļo̧k bwe jen mije wōt Jisōs Kraist. …
Jen epaakeļo̧k im kalimjōke ilo ta eo ej waļo̧k in jet iaan men kein. Mokta, Kōkaļļe an Kabun̄ in.
Kōkaļļe in ej annan̄ e m̧ool eo me Kraist ej ilo būruwōn Kabun̄ eo An im aikuj bwe en bed ilo būru ko ilo mour ko ad. …
Kōkaļļe in ej juon kemļeļe eo kwōj loe kōn iakwe eo an Rilo̧mo̧o̧r Jisōs Kraist im kakmejmej eo an iien otemjej kōn Kraist eo emour. …
Kiiō kōm̧m̧an bwe jen lukkun lale im kanooj etale aurōk an Ijtō. … Ilo tukadu in, em̧ōj kar rōjan̄ kōj n̄an keememe Ijtō ilo wāween eo ekwojarjarļo̧k. …
Ijtō ej kōm̧m̧an iaļan ad kautieje jim̧or pinmuur kojarjar an Jisōs Kraist im jejjet in naan im lan̄lōn̄ eo an Jerkakpeje eo An. …
Ke ijo eaar waļo̧k n̄an āinwōt ņe ejaak juon em̧m̧akūt ilubwilijin kajjojo ro rej kūrijin kajitōk ko n̄an etale Jerkakpeje eo im kapukōte im naan ko, jej kapeni tōmak ko em̧ōj katak kaki me “Jerkakpeje eo meļeļein ke aolep ro ewor im rekar ļo̧tak naaj bar jerkakpeje, im Jerkakpeje in ej m̧ool.” … Jisōs Kraist ekar rube to ko an mej n̄an kwe im n̄an n̄a. …
N̄an kōjem̧ļo̧k, Ij kam̧ool bwe aolep ro raar ron̄jake kūr ko jān rikanaan eo emour im rikōkapilōklōk ro an n̄an lukkun keememej eļapļo̧k Ijtō in ekwojarjar jenaaj lo bwe jemdo̧o̧n eo ad ippān Jisōs Kraist enaaj kajoorļo̧k.