Bōk Mennin Letok Eo An

Ikōņaan in kōnono kōn juon mennin letok ej kabooļ kōn m̧ool eo an indeeo me ej rie im jipan̄ maron̄ eo ad n̄an bōke aolep men ko jet Jemād ekōņaan letok iood ippān—juon mennin letok jej lukkuun errā kake im bōke ilo m̧wilaļ in jetōb eo likūt lan̄lōn̄ im wāween ko reppen an mour, im kajjitōk ko ad rejjan̄in uwaak: Ej bwe jej lukkuun ajri ro nejin Anij. Ekabwilōn̄lōn̄! Aiboojoj! Im m̧ool in ejjab nemāmein riab.

… Im iaļ eo kwoj pād ie ej karōk in m̧ōņōņō eo An. Im o, ewi jon̄an an jan̄ūwaade tok juon raan n̄e kwoj jepļaakļo̧k n̄an Ippāņ, n̄an bōk kōttōbar eo eļaptata an aolep mennin letok ko An raiboojoj mour indeeo Ippān. …

… Kom̧ maron̄ itok n̄an Kraist kōn lōke ilo iakwe-im jouj eo An im bōk aolep mennin letok ko An kōn lan̄lōn̄, aenōm̧m̧an, kōjatdikdik, m̧ool, revelesōn, jeļāļo̧kjeņ, im māletlet—kōn bōram̧ ej ejjedlōn̄ļo̧k, peium̧ rej erļo̧kļo̧k, im peiūm̧ reppeļļo̧k kadede n̄an bōke. Im kom̧ maron̄ bōk mennin letok kein kōnke kom̧ij kōjparok im dim ilo jeļāļo̧kjeņ bwe kom̧ij juon leddik jitōn bōro nejin Anij, kom̧ ej juon ļaddik eaorōk nejin Anij, im Ekar lewaj mennin letok eo An ewāppen, Nejin ekwojarjar n̄an pinmuuri kom̧, kōwāppen kom̧, im kokwojarjar e kom̧.

… Bar-bōke mennin letok in, ak bōlen m̧ool bōke ilo kein kajuon, im kōtļo̧k bwe en ukōt aolep jekjek ko an mour eo am̧. En̄in ej wāween eo ejejjet ļo̧k Anij ekar kōpooje n̄an kom̧ jān mennin letok eo an Nejin. Kom̧ij bwe kom̧in bōk lan̄lōn̄!