Mwen̄an eo an Jibbon̄ in Jabōt
Iien Karōk Men Otemjej
Jidik in kōnono in
Ejaak eo an Kabun̄ eo an Jisōs Kraist im Armej ro Rekwojarjar ilo Raan Ko Āliktata ekar men eo eļap an juon ellaajrak in en̄jake ko rekabwilōn̄lōn̄.
Waļokļo̧k eo an Jemān im Nejin n̄an Josep Smith, ukook eo im waļoktok eo an Bok in Mormon, im jepļaaktok eo an malim im ki ko an priesthood eo raar menin aikuj ko m̧okta wōt jān an ejaak Kabun̄ eo kar kōjepļaaktok an Irooj 195 iiō ko remootļo̧k rainin.
… Juon iiō ālkin ejaak eo an Kabun̄ in, Irooj ekar kōmeļeļeik Josep Smith bwe ki ko an aelōn̄ in kiin̄ eo an Anij em̧ōj bar juon alen “liļo̧k n̄an armej ioon laļ” im “gospel eo [an Jisōs Kraist enaaj] wōnm̧aanļo̧k n̄an jem̧ļo̧k ko an laļ, āinwōt dekā eo m̧wijiti jān toļ ko kōn ejjeļo̧k pā ko.”
Ij kam̧ool: Irooj ej kakūrm̧ol kallim̧ur eo An. …
Ejja m̧ōttan jepļaaktok eo kar kanaan kake bwe aolep men ko ilo raan ko āliktata, rikanaan ro etto im rijilōk ro kar leļo̧k mālim eo an priesthood eo ioon Josep Smith im kar leļo̧k ki ko an priesthood eo n̄an e. …
Jerbal eo an Irooj ilo raan ko āliktata “ej wūn eo me ekar kaitok limo in armej ro an Anij ilo aolep tōre; ej juon unin tōl me rikanaan ro, pris ro im kiin̄ ro raar pedped ippān lo̧udin̄din̄ eo eoktak; raar reim̧aanļo̧k kōn kōtmene eo ekamm̧ōņōņō n̄an raan eo jej mour ie; im ketak kōn kōtmene ko an lan̄ im relem̧ōņōņō raar al im je im kanaan kōn tōre in ad.” …
Iaar kajjieon̄ ba ilo tukadu in m̧ōttan ko raorōk tata im aiboojoj an “naan eo em̧m̧an” jabdewōt armej jabdewōt jikin ilo laļ in emaron̄ bōke—ennaan eo bwe Irooj Jisōs Kraist ekar kōjepļaaktok gospel eo An im Kabun̄ eo ilo raan ko āliktata.
Kabun̄ eo an Jisōs Kraist im Armej ro Rekwojarjar ilo Raan Ko Āliktata ej Kabun̄ eo an Kraist Kallim̧ur Ekāāl ekar jepļaaktok.