M̧wen̄an eo an Ālkin Rālep in Jabōt
Peran ilo Im̧aan Mejān Anij
Jidik in kōnono in
N̄e jej kōm̧m̧ani im kōjparok bujen ko ippān Anij, jemaron̄ bōk peran eo ej lo̧tak jen Jetōb. Irooj eaar jiron̄ Rikanaan Josep Smith bwe ad lōke enaaj “kanooj kajoor ilo im̧aan mejān Anij.” …
Ilo aō kōnono n̄an bōk peran im̧aan mejān Anij, ij kōnono n̄an bōk peran eo n̄an pukot Anij kiiō wōt! …
Kiiō, elmen ad bōk kain peran rot in? …
Ilo naan ko an Irooj make, iakwe-em̧ool im wānōk rej kōpeļļo̧k iaļ eo n̄an bōk peran ilo im̧aan mejān Anij! …
M̧oktata, iakwe-em̧ool. …
Iakwe-em̧ool n̄an aolep armej otemjeļo̧k ej kōkaļļein rikōm̧anm̧an aenōm̧m̧an ro! Jej aikuj kwaļo̧k iakwe-em̧ool ilo ad kōnono, jim̧or ilo lo̧bwilej im jikin ko rettiņo. …
Kōtļo̧k bwe jen akweļap ippan Jemedwōj Ilan̄ n̄an kaobrak buruōd kōn eļapļok iakwe-em̧ool—eļaptata ro epen iakwe er—bwe iakwe-em̧ool ej juon menin letok jan Jemedwōj Ilan̄ n̄an m̧oolin rikaļoor ro rem̧ool an Jisōs Kraist. …
Kiiō, jen kōnono kōn wānōk. Irooj ej jiron̄ kōj n̄an kainōknōk ļōmņak ko ad ilo ejjeļo̧k m̧wijkōk in wānōk. … Wānōk ej kōm̧m̧an em̧m̧anļo̧k im m̧ōņōņōļo̧k! … Wānōk enaaj joļo̧k am̧ eddodo, inepata. …
Iien ko reļļap rej pād im̧aad ej n̄an erom̧ kain armej eo Anij ekōņaan bwe jen erom̧. …
… Ij kajjitōk ippāmi n̄an bōk bun̄tōn ko n̄an kōļapļo̧k am̧ peran ilo im̧aan mejān Irooj. Innām, ilo ad pukot Jemādwōj Ilan̄ kōn eļapļo̧k peran, jenaaj obrak kōn eļapļo̧k m̧ōņōņō, im ad tōmak ilo Jisōs Kraist enaaj ļapļo̧k. Jenaaj jino en̄jake jetōb in kajoor eo ej kōļapļo̧k ad kōjatdikdik.