M̧wen̄an eo an Jibbon̄ in Jādede
Kōmour ilo Jetōb Ippān
Jidik in kōnono in
Maajta Rikōmour eo enaaj kōmour aolep ad en̄taan—kanniōk im en̄jake—ilo iien eo An. Ak ilo kōttar wōt n̄an maron̄ ājmour, juon armej emaron̄ ke lo̧mo̧o̧rene? …
Tōmak ilo Jisōs Kraist ej kwaļo̧k kōjatdikdik. N̄aij lo kōjatdikdik ilo kajjieon̄ in bōk kōmour—juon bōk kōmour in ļotak jān tōmak ilo Jisōs Kraist. Tōmak ilo E ej kōļapļo̧k aō kōjatdikdik n̄an ājmour, im kōjatdikdik ej kōkajoor tōmak eo aō ilo Jisōs Kraist. Ej juon doulul ekajoor. …
N̄an maron̄ bōk kōmour ej meļeļein n̄an dedeļo̧k im obrak. Āinwōt virgin ro ļalem remāletlet me ļaam̧ ko aer raar booļ kōn oil ke ļeo pālele ar itok, jemaron̄ in mour ilo Jisōs Kraist ilo ad tein̄i ļaam̧ ko ad kōn oil eo ej naajdik oktak eo ad n̄an E. …
Em̧ōj kakien kōj n̄an jeere meram eo An. Innām kobrak wōt ļaam̧ eo am̧ kōn oil in oktak eo n̄an Jisōs Kraist im pojak n̄an kaurur ļaam̧ eo am̧ en urur im meram. Im kōtļo̧k bwe meram eo en romaak. N̄e jej jeere meram eo ad, jej boktok jokne eo an Jisōs Kraist n̄an ro jet, oktak eo ad n̄an E ej m̧wiļalļo̧k, im jemaron̄ mour jekdoon n̄e jej kōttar wōt n̄an ājmour. Im ilo ad kōtļo̧k bwe meram eo ad en romaak, jemaron̄ in lan̄lōn̄ n̄e jej kōttar. …
Ro jeiū im jatū, uwaak eo ej aaet, jemaron̄ kōmour ilo jetōb, jekdoon n̄e jej kōttar wōt ājmour ilo kanniōk im ilo en̄jake. Kōmour ejjab meļeļein ke bar mour ilo ānbwin im en̄jake ilo mour in. Kōmour ej itok jān tōmak ilo im oktak n̄an Jisōs Kraist im kōtļo̧k bwe meram in oktak eo en romaak.