M̧wen̄an eo an Jibbon̄ in Jādede
Āinwōt juon Ajri Jidikdik
Jidik in kōnono in
Jisōs … ekar “kūrtok juon ajri n̄an Ippān, …
“Im ba, Em̧ool Ij ba n̄an kom̧, Eļan̄n̄e kom̧ jab oktak, im erom āinwōt ajri re dik, kom̧ jāmin deļo̧n̄ ilo aelōn̄ in lan̄.
“Innām jabdewōt eo ej make kōttāik e āiwōt ajri in e dik, e in eļaptata ilo aelōn̄ in lan̄.” …
Ta eo eaar kōm̧m̧an bwe Kraist make en jan̄ ilo aolepān Bok in Mormon eo? Ta eo Jisōs Kraist ekar katakin ke Eaar kūr laļtak kijeek im enjeļ ro n̄an kōjparok ajri ro, ba n̄an ro rūtto “kom̧in lale [ro] reddik nejimi”?
Jejjab jeļā aolep im̧we ko, ak iaar ļōmņak ke ewōr jet men ko n̄an kōm̧m̧an bwe ren erreo im ejjeļo̧k bōd, aer bar ļotak ilo ettā, im ta eo emaron̄ bōktok n̄an mour ko ad. …
Ak ajri ro rej lukkuun iakwe E, im bwe iakwe in emaron̄ etal n̄an jemjerā ko jet aer ilo mour in. Āinwōt juon kien, men̄e iiō ko aer reddik, ajri ro epidodo aer iakwe, epidodo aer joļo̧k bōd, im aer ettōn̄ dikdik em̧m̧an, bōro ko epen aer mejkun.
Ekwe, laajrak in ej etal wōt im etal wōt. Erreo? Lōke? Peran? Kadkdad? …
Ro jeiū im jatū im ro m̧ōtta, ilo laajrak in pija eo eaiboojojtata ijeļā nin̄nin̄ ko im ajri ro im jodikdik ro rōm̧m̧an im raorōk āinwōt ajri ro rainin. Ij kam̧ool bwe rej annan̄ ko an aelōn̄ eo an Anij ioon laļ ilo aolepen an kajoor im wūlio.