M̧wen̄an eo an Jibbon̄ in Jādede
Im̧aan Wōt Mejād
Jidik in kōnono in
Jej kam̧m̧oolol bwe jepād ilo laļ in iien in me Kabun̄ in ej eddōkļo̧k im kaim̧we, ak eaorōkļo̧k ilo bōro ko im mour ko an membōr ro an. ….
Rainin ewōr ilo Kabun̄ in 367 tampeļ ko ilo kajjojo lelkan in ļōme, kalōke, ak an jerbal. … Ro jeiū im jatū, jej kōm̧ōkajļo̧k ekwojarjar eo ad ilo ad mour erreo, ilo ad kabun̄jar ilo m̧weo im̧ōn Irooj, im ilo ad kōm̧m̧an bujen ippān Anij n̄an kōj make im ilo etan ro nukun ilo turājlet in rōn̄ōl eo. …
Jej lo an Irooj kōm̧ōkajļo̧k jerbal in An ilo mijen ko. … Eļapļo̧k jān bōnbōn, jetōb in aintok eo ej boktok jetōb ko n̄an Jisōs Kraist im gospel in An. …
Jej lo an Irooj kōm̧ōkajļo̧k jeraam̧m̧an in jeļāļo̧kjen ko n̄an membōr ro ad, im bar ro rejjab membōr ipeļaakin laļ in. …
Ilo tōrein elōn̄ļo̧k jān 800,000 rijikuuļ ipeļaakin laļ in rej pād ilo jemenere im institute, enrollment eo eļaptata ilo bwebwenato in Kabun̄ in. …
Juon bar eria ej kwaļo̧k eddōkļo̧k in jikin jeļāļo̧kjen eo an Kabun̄ in ej BYU–Pathway. … Kadedeļo̧k course ko meļeļein tōpar jerbal ko, im tōpar jerbal ko meļeļein juon mour em̧m̧anļo̧k n̄an baam̧le ko im eļōn̄ļo̧k iien em̧m̧an n̄an jerbal n̄an Irooj. …
Ij kile ke ibwiljen enaan in em̧m̧an an gospel, ewōr ro rej en̄taan, ro ewōr aer apan̄ ilo tōmak, pere, im kajjitōk ko me āinwōt n̄e ejjeļo̧k uwaakier. Ro jeiū im jatū, Jisōs Kraist Ej uwak eo. Ijjino Ippan. Pukot Pein ilo mour eo am̧. Ron̄jake E. …
Jeļā bwe E emeļeļe.