M̧wen̄an eo an Ālkin Rālep in Jabōt
Kwaļo̧k kautiej Men ko Rekwojarjar
Jidik in kōnono in
Āinwōt rikaļoor ro an Jisōs Kraist, kar karuwainene kōj n̄an ejaake menin letok an kwaļo̧k kautiej ilo mour ko ad n̄an maron̄ n̄an ajeļo̧k kōj make n̄an juon kōm̧m̧ao ippān Anij im Nejin Jisōs Kraist, ilo ejja iien eo wōt kōkajoorļo̧k m̧wil in jetōb eo ad. Elōn̄ļo̧k ke kain en̄jake rot in ilo būruwōd, enaaj ejjeļo̧k pere ke emaron̄ ļapļo̧k lan̄lōn̄ im laudin̄din̄ ilo mour ko ad, im enaaj maron̄ dikļo̧k jikin n̄an būrom̧ōj im illu. …
Jerata eo, jej mour ilo juon laļ ijo me kwaļo̧k kautiej n̄an men ko rekwojarjar ej ejejaļok kōm̧m̧ani. …
… Jab kwaļo̧k kautiej ņae men ko rekwojarjar ej kōwōnm̧aanļo̧k jibadbad ko an rikapo eo n̄an kapoktak wāween ko ilo ad bōk revelesōn, ko me relukkuun aorōk n̄an an jetōb eo ad mour ilo raan kein. …
Ro jeiū im jatū, kwaļo̧k kautiej n̄an ejaak ko rekwojarjar ej kōkajiririk jetōbin kam̧m̧oolol, kōļapļo̧k iakwe em̧ool, tōlļo̧k ļōmņak ko ad n̄an revelesōn, im bōktok eļapļo̧k m̧ōņōņō n̄an mour ko ad. Ej likūt need ioon ijo ekwojarjar im kotak būruwōd n̄an Anij.
Ij kam̧ool n̄an kom̧ bwe ilo ad kajjieon̄ kōjerbale kain wānōk in ilo mour ko ad, jenaaj maron̄ kōļapļo̧k ad ettā bōro, kōļapļo̧k ad meļeļe ankilan Anij n̄an kōj, im kōkajoorļo̧k lōke eo ad ilo kallim̧ur ko an bujen ko jekar kōm̧m̧ani ippān Irooj. Ij kam̧ool bwe ilo ad kautiej menin letok in an kwaļo̧k kautiej n̄an men ko rekwojarjar—men̄e ilo toļ in m̧weo im̧ōn Irooj, ilo juon im̧ōn kweilo̧k ak ilo m̧weo im̧ōd make—jenaaj maron̄ obrak kōn menin bwilōn̄ ekabwilōn̄lōn̄ im mijak ilo ad ekkejelļo̧k n̄an iakwe eo ewāppen an Jemādwōj Ilan̄ im Jisōs Kraist.