Kaorōk Mour

Jet iien, elukkuun pen im bok kōn jab jelā ta emaron̄ itok im kōjparok mour.

Ruo naan rekijon̄ ippān doon n̄an kokwojarjar lotak eo an ilal: mour im kālet. Mour in ej juon iaan mōttan ko raorōk ilo karōk eo eweppān an Jemed, im kōn kōjelā in kakien eo An jej kaorōk im kōjparok mour; im jej kāālet an wōnmaanlok mour in jekkar ejaake. Jej barāinwōt kaorōk menin letok an kāālet, anemkwoj in mour—jipan̄ n̄an kōkajoor kāālet ko rekwojarjar kōmālim jān Irooj eo ej boktok mour in indeeo. …

Kajiriri im kōjpārok mour eo me ejan̄in lotak ejjōb an politic. Ej juon kien ilo mour in emōj kappen e jān Irooj n̄an rikanaan ro An.

… Jen kōkm̧anm̧anlok ar kōnono im meļeļe ilo baamle ko ad, ilo mōko mwōd, ippān jodikdik ro, im ippān Doulul eo an Kōrā im kweilo̧k ko an doulul eo an emmaan kōn kien eo an Irooj kien erreo, kwojarjar in mour, im kea eo kōn ajri eo ejjan̄n̄in lotak im jineir. …

N̄an ro rej ron̄jake me emōj aer ioone metak in emwilaļ im ajlo̧k jān an kar pād ilo ak joļo̧k ajri jān ļo̧jeen, jouj im kememej: Men̄e jejjab maron̄ ukōt men ko jemaan, Anij emaron̄ jolok mennin etto ko. Jolok bwōd emaron̄ itok kōn An kar kwalo̧k kabwilōn̄lōn̄ ilo An kar tūriamo ilo am erlok n̄an E ilo juon bōro in kōttāiki im ukwelo̧k.

Ro jeiū im jatū rejitōn bōro, jolok iakwe n̄an ajri ro rejan̄in lotak ilo laļin ej juon inepata eo eļap. Anij ej Kaorōk Mour. En̄in ej jerbal eo An im aiboojoj eo An kakūrm̧ool jab wabanban im mour indeeo an armej. Āinwōt rijilōk ro an Jisōs Kraist, jej kaorōk mour.