M̧wen̄an eo an Ālkin Rālep in Jādede
Kōpopo eo An Juon Make n̄an Ioon Rilo̧mo̧o̧r
Jidik in kōnono in
Ke Būreejtōn Nelson ekar kenono kōn Itok eo Kien Karuo, aolep iien ej reim̧aanļok lo eļap lōke. Ijoke, juon leddik edik ilo Būraimāre ekar jiron̄ eō ke ej inepata aolep iien n̄e ej ron̄ kōn jepļaaktok eo. Ej ba, “Ilukkun mijak kōnke men ko renana renaaj waļok m̧okta jān an Jisōs bar itok.”
… Naan in rōjan̄ eo em̧m̧an n̄an e, n̄an eok, im n̄an n̄a ej n̄an ļo̧o̧r katak ko an Rilo̧mo̧o̧r eo.
Jem̧aanļo̧k jerbal eo An ioon laļin, kar kajitūkin Jisōs Kraist n̄aat Enaaj bar rool tok. …
Rilo̧mo̧o̧r ekar m̧okta kwaļo̧k kōn būrabōļ eo kōn virgin ro jon̄oul. …
Katak eo aorōk ilo būrabōļ in kōn virgin ro jon̄oul ej bwe jemālōtlōt ilo ad bōk gospel in, pukōt n̄an an Jetōb Kwojarjar maron̄ pād ippād, im jab po lo m̧ōņ. … Jej aikuj kōm̧m̧ane men in kōn kōj make.
Innām Rilo̧mo̧o̧r eo eaar kwaļo̧k kōn būrabōļ eo kōn taļōn ko. …
Juon meļeļe kōn būrabōļ in ej bwe Anij ej kōtmene bwe jen kōļapļok jeļā ko ilo kōj em̧ōj litok, ako Ejjōb kōņan bwe jen keidi kōņaan ko ad ippān ro jet kōn jeļā kein ad. …
Āliktata, Rilo̧mo̧o̧r ekar kwaļo̧k kōn būrabōļ eo kōn sip im got ko. …
Katak eo jan būrabōļ eo an Rilo̧mo̧o̧r kake sip im got ko ej bwe jen kōjerbal mennin letok ko emōj litok—iien, talen ko, im kōjeram̧m̧an ko—n̄an jerbal n̄an ro nejin Jemedwōj Ilan̄, eļaptata ro rej pad ilo aikuj im en̄taan.
Kūr in aō n̄an Būraimare eo ej inepata eo ikar kenono kake m̧oktaļok, im kom kajjojo, ej n̄an ļoor Jisōs Kraist im lōke Jetōb Kwojarjar āinwōt am n̄an eo m̧ōttam̧.