Kōpopo eo An Juon Make n̄an Ioon Rilo̧mo̧o̧r

Ro jeiū im jatū rejitōn bōro, O̧ktoba eo ļok, Būreejtōn Russell M. Nelson ekar katakin, “Kiiō ej iien bwe kwe im n̄a ren pojak n̄an Itok eo Kein Karuo an ad Irooj im Rilo̧mo̧o̧r, Jisōs Kraist.” Ke Būreejtōn Nelson ekar kenono kōn Itok eo Kien Karuo, aolep iien ej reim̧aanļok lo eļap lōke. Ijoke, juon leddik edik ilo Būraimāre ekar jiron̄ eō ke ej inepata aolep iien n̄e ej ron̄ kōn jepļaaktok eo. Ej ba, “Ilukkun mijak kōnke men ko renana renaaj waļok m̧okta jān an Jisōs bar itok.”

Ejjōb ajri wōt remaron̄ en̄jaake rōt in. Naan in rōjan̄ eo em̧m̧an n̄an e, n̄an eok, im n̄an n̄a ej n̄an ļo̧o̧r katak ko an Rilo̧mo̧o̧r. Katak ko An repidodo im alikkar. N̄e jej ļoori jejjōb aikujin mijak im inepata.

Jem̧ļokinļok jerbal eo An ioon laļin, kar kajitūkin Jisōs Kraist n̄aat Enaaj bar jepļaaktok. N̄an uwaake, E ekar katakin jilu būrabōļ ko, rej pād ilo Matu 25, kōn wāween kōpopo im ioon E—jekdoon lo Itok eo an Kein Karuo ako iien eo jej etal jān laļin. Katak kein raorōk kōnke kōpopo eo am make n̄an jelmae E ej ioļap in un eo an mour in.

Rilo̧mo̧o̧r ekar m̧okta kwaļo̧k kōn būrabōļ eo kōn virgin ro jon̄oul. Ilo būrabōļ in, virgin ro jen̄oul rekar etal n̄an juon kōmare Ro ļalem remāletlet rekar tein̄i oil in ļaam̧ ko aer, im ro ļalem rebwebwe rekar jab. Ke ļeo pālele ej jāde lo awa eo, virgin ro rebwebwe rekar etal im wia oil. Ke rekar jepļaak, rerum̧wij; kōjem eo n̄an m̧ōn kwojkwoj eo ekilōk.

Jisōs ekar kwaļok jon̄ak kein jilu lo būrabōļ n̄an jipan̄ kōj. Eaar ba:

“Im ilo raan en, n̄e Inaaj itok ilo Aō wōj, būrabōļ in enaaj kūrm̧ool eo Iaar kōnono kake kōn virgin ro jon̄oul.

“Bwe ro remālōtlōt im rekar bōk m̧ool eo, im rekar bōk Jetōb Kwōjarjar bwe en aer ritōl, im rekar jab po ilo m̧oņ—em̧ool Ij ba n̄an kom̧, rejamin naaj juoklaļļo̧k er im joļo̧k er ilo kijeek eo, ak renaaj mour ilo raan eo.”

Ilo bar jet wāween, rekar jab mijak ak inepata, kōnke renaaj kar mour im eddōkļo̧k. Er naaj kar anjo.

N̄e jej māletlet, jej bōk m̧ool eo ilo ad mour kōn gospel eo An Jisōs Kraist jān kain̄i ko an priesthood eo im bujin ko. Eo juon, jej wōnm̧aanļok im mour kwojarjar bwe Jetōb Kwojarjar en pād ippad. Maron̄ in jej aikuj make pukote n̄an kōj make, pil ioon pil. Kakwut, an juon make, jerbal in ajeļok ko lo ituņo̧ rej karuwaineneik Jetōb Kwojarjar n̄an tōl kōj.

Men eo kein kajilu Jisōs ekar kalikkare n̄an kōj ej bwe jen jab po lo m̧oņ. Rilo̧mo̧o̧r eaar ba:

“Jab eo̧ron̄ jabdewōt armej ej m̧oņe eok.

“Bwe elōn̄ renaaj itok ilo Eta, ba, N̄a eo Kraist; im elōn̄ renaaj po.”

Rilo̧mo̧o̧r ekar jeļā enej wōr rej m̧ōņ n̄an kajjion̄ m̧ōņe ro rikālet im bwe elōn̄ An rikaļoor renaaj po. Jen jab tōmak ro rej riab kōn maron̄ ko ippāer barāinwōt pukōt tōl im māletlet jān āne jem̧aden ako ilo jikin tilekek ko jikin ririab.

Bok in Mormon ej katakin kōj wāween ad nej jeļā kile oktak eo ikōtaan ro rej m̧ōņ im rikaļo̧o̧r ro. Rikaļo̧o̧r ro aolep iien rej kwaļok kōn tōmak ilo Anij, jerbal n̄an E, im kōm̧m̧an em̧m̧an. Jejjōb aikuj po ilo kapo n̄e jej bōk im pukōt tōl jen ro jej lōke er, ro retiljek im rej rikaļo̧o̧r an Rilo̧mo̧o̧r.

Jemaron̄ barāinwōt bōbrae m̧ōņ ilo ad emakijkij ad kabun̄jar lo tampeļ eo. Men in ejipan̄ kōj ilo ad jipadōk mejen kajjik eo an indeeo im ej kōjparok kōj jen menin kapo ko remaron̄ ukōt ak kapoik kōj jān ial in bujen eo.

Katak eo aorōk ilo būrabōļ in kōn virgin ro jon̄oul ej bwe jemālōtlōt ilo ad bōk gospel in, pukōt n̄an an Jetōb Kwojarjar maron̄ pād ippād, im jab po lo m̧ōņ ko. Virgin ro remāletlet rekar jab maron̄ jipan̄ ro ejjeļok oil ippāer; ejjeļok en enej mour kōn gospel in, kōtļok bwe Jetōb Kwojarjar en tōl, im jab po ilo m̧ōņ lo etad. Jej aikuj kōm̧m̧ane men in n̄an kōj make.

Innām Rilo̧mo̧o̧r eaar kwaļo̧k kōn būrabōļ eo kōn talen ko. Ilo būrabōļ in, juon em̧m̧aan ej kajjoļok an mweik n̄an ro rikarijeran jilu ekkar n̄an aer maron̄, ņa etan, talen. N̄an juon em̧m̧aan ekar leļok ļalem talen, n̄an eo juon ruo, im eo kein kajilu juon. Ālikin juon iien eto, rikarijeran ro ruo im̧aan rekar kōļapļok ruo alen jan ta eo rekar bōke. Ako eo kein kajilu ekar kajju kalbwin talen eo an. N̄an karijeran ro ruo im rekar kōļapļok talen ko aer ruo alen, Em̧m̧aan eo ekar ba, “Em̧m̧an am̧ kōm̧m̧an, … kwō karijera em̧m̧an im tiljek; Kwaar tiljek kōn men kaņ re iiet, Inaaj kairooj eok ioon men ko re lōn̄: kwōn deļo̧n̄ ilo lan̄lōn̄ an am̧ Irooj.”

Em̧m̧aan eo ekar lukkun inepata ippān eo karijeran im ekar kalbwin talen eo kōn an “nana im jowa!” Talen eo an eo karijeran kar bōke, im kar joļok n̄an kapin marok. Ijoke, n̄e eo karijeran en kar ruo alene talen eo an, enej kar bar bōk ejja kōjeram̧m̧an im menin lelok ko an ro jet karijeran.

Meļeļe in lo būrabōļ in ej bwe Anij ej kōtmene bwe jen kōļapļok jeļā ko ilo kōj em̧ōj litok, ako Ejjōb kōņan bwe jen jiāe ippān ro jet kōn jeļā kein ad. Ļōm̧nak kōn kōmeļeļe kein litok jān Hasidic scholar Zusya 18 buki iio remootļok jen Anipol. Zusya ekar juon rikaki ebun̄bun̄, eo ekar jino mijak ilo an kar epaake mej. Rikaļo̧o̧r ro an rekar kajjitok, “M̧aajta, kwojaam wūdiddid? kwaar mour juon mour em̧m̧an; am̧ ājin kōj jān Anij enej ļap.”

Zusya ekar ba, “N̄e Anij eba n̄an n̄a, Zusya, etke kokar jab āinwōt Moses? Inaaj ba, kōnke Kwaar jab letok n̄an eō peran āinwōt am̧ kar leļok n̄an Moses. Im n̄e inaaj jutak im̧aan Anij im E ej ba, Zusya, etke kokar jab āinwōt Solomon? Inaaj ba, Kōnke kwaar jab letok māletlet n̄an eō āinwōt Solomon. Ak, āliktata, ta eo inaaj ba n̄e inaaj jutak im̧aan ao Rikōm̧anm̧an im Ej ba, Zusya, etke kokar jab āinwōt Zusya? Etke kwaar jab erōm̧ em̧m̧aan eo ikar lewaj maron̄ eo n̄an am̧ erōm̧? Aaet, ej wūn eo in n̄aij wūdiddid kake.”

Em̧ool, Anij enaaj inepata n̄e jejjōb atartar ilo aiboojoj, tūriam̧o̧, im jouj eo an Rilo̧mo̧o̧r n̄an kōļapļok jeļā ko litok in Anij. Ilo An jipan̄ kōn iakwe, Ej kōtmene bwe jen erōm̧ ro rem̧m̧anļok jān inne. Bwe ilo ad maron̄ jino mour kein ad kōn eļōn̄ jeļā ko ejjōb lukkun aorōk n̄an E. Im ej n̄an kōj.

Āliktata, Rilo̧mo̧o̧r ekar kwaļo̧k kōn būrabōļ in sip im got ko. N̄e Enaaj jepļaak ilo An wōj “ri aelōñ otemjej iṃaan mejān: im Enaaj kōjepel er jān doon, āinwōt seperd ej kōjepel sip ko jān got ko: Im enaaj kajutak sip ko i anmooṇōn, a got ko i anmiiñin.”

Ro iabwijmaron̄ in Pein rekar rijolōt in aelōn̄ eo An, im ro ianmiin̄ in Pein ekar ejjeļok aer jolet. O̧ktak eo ikōtaer ej eļļan̄e rekar naajidik E ke Ekar kole, leļok n̄an E den ke Ekar maro, kareļon̄ E ke Ekar ruwamejet, kanuknuki E ke Ekar ejjeļok An nuknuk, lo ļok E ke Ekar nan̄inmej ak kalbuuj.

Aolep rekar pok, ro jim̧or lo pā eo tu aļm̧oon im pā eo almiin̄. Rekar kajjitōk n̄aat rekar, ako n̄aat rekar jab leļok n̄an E m̧ōn̄ā, den, nuknuk, ako jipan̄ E ilo iien An aikuj. N̄an uwaake er, Rilo̧mo̧o̧r eaar ba, “Em̧ool Ij ba n̄an kom̧, ilo ami kōm̧anm̧an jabdewōt n̄an juon iaan rein ro jatū ediktata, kom̧ ar kōm̧anm̧ane n̄an Eō.”

Meļeļe in lo būrabōļ in ealikkar; n̄e jej jipan̄ n̄an ro jet, jej jerbal n̄an Anij; n̄e jejjōb, jej kainepata. Ej kōtmene bwe jen kōjerbal mennin letok ko ad, talen ko, jeļā ko n̄an kōjeraam̧m̧an mour ko an ro nejin Anij. Im̧we in n̄an jipan̄ ro jet kar likūt ilo juon poem 19 buki iio rem̧ootļok jān juon rijeje poem Johan Ludvig Runeberg. N̄a im ro jeiū im jatu emakijkij am ron̄ poem in “Farmer Paavo” jen ke jekar dik. Ilo poem in, Paavo ekar juon rikallib ejerata eo ekar jokwe ippān kōrā eo ippān im ajri ro nejin ilo Lake bukwon en iolapin Finland. Eitak in iiō ebar jorrāān ine ko an, jen an ibwij laļ ilo jibriin̄ jen ōn ļok snow, an wōtlak hail ilo summer, ako ilo an jino m̧ōļo ļok lo añōneañ . Eļak bar dik tōprakin atke eo, kōrā eo ippān ebar ba, Paavo, Paavo, kwon baj jerata wōt ļōļļap en, Anij em̧ōj an erļok jān kōj. Paavo, tok ālik, ekajju ba, “lewaj kilin wōjke im kobaiki ilo pilawe ne im kōm̧atte bwe ajri ran ren jab kole. Inej kate eō kōto̧o̧reļok den en lo jikin kallib en. Anij ej teeje kōj, ako Enej ņakijed.”

Aolep iien n̄e ine ko rej jorrāān, Paavo ej ba n̄an kōrā eo pāleen bwe en kalōn̄ļok kilin wōjke ko n̄an iloan pilawe eo bwe ren jab ioon kole. E ekar lukkun bar kate, kōb im kōm̧m̧an ialen an den eo dikļok ilo meļaaj in jikin kallib eo n̄an iien eo enej ōn ļok aij ilo jibriin̄ im jinoin añōneañ .

Ālikin elōn̄ iiō in en̄taan, jikin kallib eo an Paavo ej kab kalle. Eo pāleen ej lan̄lōn̄ im ba, “Paavo, Paavo, iien ko rekam̧ōņōņō kein! Ekitien bwe jen joļok kilin wōjke kan, im iok pilawe kōn rye wōt.” Ako Paavo ekar jibūrtok pein eo pāleen im ba, “likūti wōt ippān pilawe ne bwe em̧ōj an kwōj aij ion jikin kallib en an rimweien.” Paavo ekar ajeļok ta eo en kar ļapļok ippaer bwe en jipan eo iturin eo ej ioon apan̄ im jerata.

Katak eo jan būrabōļ eo an Rilo̧mo̧o̧r kake sip im got ko ej bwe jen kōjerbal mennin letok ko emōj litok—iien, talen ko, im kōjeram̧m̧an ko—n̄an jerbal n̄an ro nejin Jemedwōj Ilan̄, eļaptata ro rej pad ilo aikuj im en̄taan.

Kūr in aō n̄an Būraimare eo ej inepata eo ikar kenono kake m̧oktaļok, im kom kajjojo, ej n̄an ļoor Jisōs Kraist im lōke Jetōb Kwojarjar āinwōt am n̄an eo m̧ōttam̧. Reiļok wōt n̄an ro rej iakwe eok im ro rej iakwe Rilo̧mo̧o̧r. Kwōn pukōt tōl eo an Anij n̄an ejaake jeļā ko remakeļok, jipan̄ ro jet, jekdoon n̄e epen. Kwōnej pojak n̄an ioon Rilo̧mo̧o̧r, im juon wōt ippān Būreejtōn Nelson n̄an reim̧aanļok lo eļap lōke. Ilo am̧ kōm̧m̧ane menin, kwoj jipan̄ kōpooj laļin n̄an Itok eo Kein Karuo an Jisōs Kraist, konej jeraam̧m̧an kōn eļap kōjatdikdik n̄an deļon̄ļok ilo kakije an Irooj, kio im ilju.

Ilo ad al kake juon iaan al ko ad rekaal;

Ilo etan Jisōs Kraist, amen.