M̧wen̄an eo an Jibbon̄ in Jādede
Pinmuur eo an Jisōs Kraist Ej Letok Lo̧mo̧o̧r eo Eļaptata
Jidik in kōnono in
En̄jake eo an painneer ro ej letok n̄an Armej ro Rekwojarjar juon mantin bwebwenato eoktak im bwebwenato in jetōb eo ekajoor an aolep. …
Elōn̄ Armej ro Rekwojarjar ro raar pād ilo waan bwilbwil ko raar ioon men ko reppen ak raar jeer jān men ko reļļap renana. Ak ruo kombani in waan bwilbwil, Willie kombani im Martin kombani, raar ioon kwole, jejedwawa ilo ļan̄ ko renana im m̧olo, im elōn̄ mej. …
Būreejtōn Brigham Young ear jino an jeļā kōn jekjek in enana an kombani kein ilo Oktoba 4, 1856. …
Ekar kajjitōk bwe bisop ro ren letok 60 tiim in mule ko, 12 ak lōn̄ļo̧k wagon, im 12 ton in pilawe im kean̄, “Etal im boktok armej ro kiiō ilo meļaaj ko.”
… N̄e eban itok rilo̧mo̧o̧r ilo iien eo, elōn̄ļo̧k remaron̄ mej. …
N̄e ejjab Pinmuur eo, jeban maron̄ lo̧mo̧o̧ren kōj make jān jerawiwi im mej. …
Ilo iien Ijtō in, jej mije Rilo̧mo̧o̧r im en̄taan in pinmuur eo An. Pinmuur eo ej letok kōjatdikdik im meram ilo juon iien me elōn̄ rej pād ilo marok. …
N̄aij kwaļo̧k bun̄tōn kein jilu me ij ļōmņak raorōk n̄an raan kein ad.
M̧oktata, jab pere aorōk in kōm̧m̧ane ta eo jemaron̄ n̄an lo̧mo̧o̧ren ro jet jān apan̄ ko an kannieōk, eļaptata ko an Jetōb.
Kein karuo, bōk ilo kam̧m̧oolol Pinmuur eo an Rilo̧mo̧o̧r. …
Kapilōk eo aō kein kajilu ej n̄an kōjenolo̧k iien n̄an tiljek ilo kejōkļo̧kjen Pinmuur eo an Rilo̧mo̧o̧r. Elōn̄ wāween ko n̄an kōm̧m̧ane menin ilo etal in tōmak ko ad make. Ijoke, pād ilo kweilo̧k in kwojkwoj eo im bōk m̧ōttan kwojkwoj eo eaorōktata.
Ebar aorōk etal n̄an tampeļ aolep iien ijo komaron̄e. …
… Pinmuur eo an Jisōs Kraist ej letok lo̧mo̧o̧r eo eļap tata jān men ko jej jelm̧ae ilo mour in.