Mwen̄an eo an Jibbon̄ in Jabōt
Am̧ Ukweļo̧k Ejjab Kadodoik Jisōs Kraist, Ej Kōmeram̧ An Lan̄lōn̄
Jidik in kōnono in
Rainin ikōņaan kōnono n̄an kōj ro me jet iien rej en̄jake, “Ukweļo̧k im jeorļo̧k bōd rej āinwōt jerbal n̄an aolep ijello̧kin n̄a.” …
Ikar jeļā bwe eļan̄n̄e kwoj kōttar m̧ae iien eo ebwe an erreo ak weppān n̄an etal n̄an Rilo̧mo̧o̧r, kwar jab lukkuun meļeļe jibadbad eo! …
Ij kam̧ool bwe ilo an Anij kea kōn bōd ko ad, E ej kea eļapļo̧k kōn ta eo ej waļo̧k ālkin ad kōm̧m̧an bōd. Jenaaj ke oktakļo̧k im bar oktakļo̧k n̄an E? …
Kūr eo n̄an ukweļo̧k ej juon kakōļļe in iakwe eo an Anij.
Ba aaet n̄an kūr jab in ej juon kakōļļe kōn iakwe eo ad. …
Jejjab pād ilo iaļ in bujen eo kōn jab kōm̧m̧ane juon bōd. Jej pād ilo iaļ eo kōn ukweļo̧k aolep raan.
Im n̄e jej ukweļo̧k, Anij ej meļo̧kļo̧k ilo an jab kajook kōj, keidi kōj n̄an jabdewōt, ak būron̄e kōj kōnke menin ejja men eo wōt jaar ukweļo̧k jān e wiik eo ļo̧k.
Ej ej lem̧ōņōņō aolep iien Ej lo ad bukwelōlō. E ej lo̧udin̄din̄ n̄an jeorļo̧k ad bōd kōnke n̄an E jej lo̧udin̄din̄!
Kwoj ke en̄jake bwe em̧ool?
Innām etke ekanooj pen n̄an kōj n̄an tōmak?! Setan, rinana eo eļaptata im rikapo eo, ej kōjerbal jook n̄an dāpij kōj jān Anij. …
Aorōk eo am̧ ej iien otemjej “ekanooj ļap ilo mejān Anij,”jekdo̧o̧n ta kāālet ko am̧ rekar bōkļo̧k eok n̄ane. …
Ij jutak ijin n̄an kam̧ool bwe Jisōs Kraist ej leļo̧k meram n̄an ro rej jijet ilo marok. Etetal ioon im oktakļo̧k n̄an Meram eo—Ad Kōjatdikdik Emeram Eweppān.