Maia C.

Faitā ʻa Christina Smith

Naʻe māvae ʻeku faʻeé mo ʻeku tamaí ʻi hoku taʻu ua mo e kongá. Te u ʻaʻahi ki heʻeku tamaí ʻi he māhina kotoa pē, pea ʻi heʻeku kei siʻí, naʻe fakafiefia ʻaupito ʻeni. Ka ʻi heʻeku matuʻotuʻa angé, naʻá ma fetaʻemahinoʻaki pea fakaʻau ke toe kovi ange.

ʻOku ou manatuʻi ʻeku tangi ki heʻeku faʻeé naʻe ʻikai ke u toe fie ʻaʻahi ki heʻeku tamaí. Naʻá ne talamai, “Lotu, pea ʻe lelei ʻa e meʻa kotoa pē.” Pea naʻá ku fai ia.

Naʻe tokoniʻi au mo ʻeku tamaí ʻe he ʻOtuá. Ko e taimi ní ʻoku lelei ange homa vaá. ʻOkú ma talanoa, pea ʻokú ne tā mai ʻi heʻene ʻalu ki hono fonua tupuʻanga ko Masitōniá, ke u lava ʻo talanoa ki hoku fāmili aí.

Kuo hoko maʻu pē ʻa Sīsū Kalaisi ko hoku mālohinga. ʻI he taimi naʻá ku faingataʻaʻia lahi ai ʻi he akó pe ʻi ʻapí, naʻá Ne ʻi ai maʻu pē ke tokoniʻi au. Ne u ongoʻi maʻu pē naʻá Ne poupouʻi au.

ʻOku ou houngaʻia ʻi hono fakafeʻiloaki au ʻe heʻeku faʻeé ki he Siasí pea ki he ʻOtuá, koeʻuhí he naʻe tokoni lahi ia kiate kimaua ʻi he ngaahi taʻu lahi. ʻOku tokangaʻi maʻu pē kitautolu ʻe he ʻOtuá mo Sīsū Kalaisi.