Te u SAI PĒ Au

Tā fakatātaaʻi ʻe Katelyn Budge

ʻOku ou manavasiʻi ʻi heʻeku kau ki he ngaahi lēsoni ʻa e Siasí mo e seminelí pea mo e taimi ʻoku ou lea ai ʻi he houalotu sākalamēnití. Ka ʻoku ou fie manatuʻi ʻa e Tokāteline mo e Ngaahi Fuakava 84:88: “Te u ʻi homou nima toʻomataʻú pea ʻi homou toʻohemá, pea ʻe ʻi homou lotó ʻa hoku Laumālié, pea ʻe takatakai ʻa kimoutolu ʻe heʻeku kau ʻāngeló, ke poupouʻi hake ʻa kimoutolu.”

ʻI heʻeku lau pe manatuʻi e potufolofola ko iá, ʻoku ou ongoʻi ʻoku tokangaekina mo poupouʻi au ʻe Sīsū. ʻOkú Ne tokoniʻi au ʻi he taimi ʻoku ou fai ai ha ngaahi fehalākí.

ʻOku ou ongoʻi kuo teuteuʻi ʻe he Tamai Hēvaní ʻa e ngaahi faingamālie ko ʻení maʻaku. Te Ne ʻai ke u lava ʻo fai hoku lelei tahá, neongo kapau ʻe faingataʻa.

Neongo pe ko e hā e meʻa ʻe hokó, te u SAI PĒ, koeʻuhí ʻe tokoniʻi au ʻe he Tamai Hēvaní mo Sīsū Kalaisi ʻi heʻeku ngāue ʻi he tuí.