“E mafai faapefea ona ou maua se molimau malosi atu e uiga ia Iosefa Samita ma le Toefuataiga?”

“O se mea sa ou faia e faamalosia ai la’u molimau i le Toefuataiga o le faitau lea o le tala o le uluai faaaliga i po uma a o lei moe. Pe a ou faitau e uiga i le laveaiina o Iosefa ma le tu ai i le afioaga o le Atua, ou te lagona le latalata atili atu i le malamalama o le Atua, ma e fesoasoani lena mea ia te au e iloa ai o loo i ai o Ia iina.”

Eve T., 16, Chorley, UK

“Ina ua ou iloaina e leai sa’u molimau ia Iosefa Samita, sa amata ona ou faitauina le Au Paia. Sa ou iloaina le mamana ma le faavavega o mea na o’o i ai Iosefa. Sa ou lagonaina foi le Agaga e faatasi ma au pe a ou tatalo e uiga i le Tusi a Mamona. Sa amata ona ou fesoasoani i faifeautalai, ma o lea ua le mafai ona taofia lo’u molimau atu i tagata e uiga ia Iosefa Samita ma le Toefuataiga.”

Abish N., 18, Negros Oriental, Filipaina

“Na ta’u mai e le perofeta ia i tatou e suesue i le soifuaga o Keriso e fesoasoani ia i tatou ia maua se molimau ia te Ia ma Lana Togiola. E talitutusa lava ma Iosefa Samita. A o ou suesue i lona soifuaga, e mafai ona ou maua se molimau malosi atu i le Toefuataiga ma Iosefa o le uluai perofeta o la tatou tisipenisione. Ua mafai foi ona ou malamalama lelei i le mafuaaga na tatau ai ona toefuatai mai le Ekalesia a Iesu Keriso.”

Asher W.,17, Louisiana, ISA

“Fai le mea na faia e Iosefa ma ole atu i le Atua! Ia onosai; o le a oo mai le tali.”

Anna W., 17, Kolorado, ISA

“O le tatalo o le auala aupito faigofie lea e maua ai se molimau ia Iosefa Samita ma le Toefuataiga. Ua tali mai le Alii i lenei tatalo mo au lava ia ma le toatele o isi—o le a ia faia foi lea lava mea e tasi mo oe. Ma le isi, suesue i molimau mamana a molimau o loo i le Tusi a Mamona.”

Andrew N., 18, Uosigitone, ISA