Ivan B.

17, Zagreb, Kalaotia

Sa na o a’u lava se tagata O Le Ekalesia a Iesu Keriso o le Au Paia o Aso e Gata Ai i la’u aoga. I se tasi taimi i se pati o le aso fanau, na amata ai ona inupia a’u uo. Sa ou lagona le le mautonu ma ou alu i le fale. Ina ua latou fesili mai pe aisea na ou vave alu ai, sa ou fai atu ou te le inupia ma ou te le’i toafimalie. Sa latou le fiafia i lena tali ma sa fai si ese o latou tulaga. Ae i le aluga o taimi, ua taliaina e a’u uo.

I se isi taimi, sa fai mai ai lo’u faiaoga ou te faasoa atu se aoaoga PowerPoint e uiga i le Ekalesia. O le toatele o tamaiti o la’u vasega sa i ai ni fesili, ma sa ou lagonaina e pei o loo aoao mai Iesu Keriso e ala mai ia te au. Pe a e faasoa atu lau molimau, e te le tau fefe i manatu o isi. Afai e te faalagolago i le Alii, o le a Ia fesoasoani ia te oe ia iloa le mea e te fai atu ai.

Ou te fia alu i se misiona ina ia mafai ona ou aumaia isi tagata ia Keriso. Ou te talitonu na ave e le Faaola agasala a le lalolagi i Ona lava luga. E mafai ona tatou faapotopotoina Isaraelu ma valaaulia tagata uma e o mai ia te Ia.