O La’u Tauiviga ma le Manatu Faaleagata Lava Ia

Paulina M., 18 tausaga, Podlasie, Polani

E fiafia e taina le vaiolini, taina le piano, ma faitau talafatu.

I le aoga tulagalua sa ou tauivi tele ma le vaaiga faaletagata lava ia, ma taumafai ia taliainau. Ou te taumafai e faamalositino ina ia foliga i se auala patino, ae ou te lei fiafia lava i le ata o loo i le faaata.

Ona maua lea e lo’u uso matua lona faamanuiaga faapeteriaka, ma amata ona ou mafaufau e fai lo’u faamanuiaga faapeteriaka. Sa 12 o’u tausaga, ma i le taimi muamua sa ou manatu atonu ou te laitiiti tele. Ae sa ou tatalo ma talanoa i lo’u epikopo, ma sa sa’o le lagona.

O lo’u faamanuiaga faapeteriaka na faamanatu mai ai ia te au o loo silafia au e le Tama Faalelagi ma e silafia e Ia tauiviga o loo feagai ma a’u. E Na te silafia lo’u igoa O loo i ai o Ia iina e fesoasoani mai ia te au pe afai ou te naunau e ole atu mo Lana fesoasoani.

O nisi taimi atonu e te vaai ia te oe lava ma manatu e le lava lou aulelei i tulaga faatonuina o le lalolagi. Ae sa ou aoaoina mo au lava ia o le vaaiga a le Atua ia te au e sili atu ona taua nai lo se isi lava tagata. Ma afai ou te iloa e silasila mai le Atua ia te au o Lona afafine, na pau lava lena o le mea ou te manaomia.