O Le Pepa “E Le Mafai”
E mafai ona ou tipiina se pu i se fasi pepa masani e lava le telē e laa atu ai. E te le talitonu mai ia te a’u? E te manatu e le mafai? Ou te folafola atu, e le o se togafiti. E mafai ona e faaaogaina lenei lesona o mea faitino e aoao ai lau vasega, korama, po o le aiga e uiga i le faatuatuaina o le Atua pe a i ai ni au fesili—e oo lava i fesili “e le mafai”.
-
Fesili atu i lau vaega pe latou te talitonu e mafai ona e tipiina se pu i se fasi pepa e lava le telē mo se tagata e ofi ai. Atonu, o nisi e le talitonu ia te oe.
-
Faitau le Talafaasolopito o Iosefa Samita 1:23–25. Faamalamalama atu e toatele tagata sa le talitonu e mafai ona vaai Iosefa Samita i se faaaliga vaaia. Ae na ia iloa e moni.
-
Ua o’o mai le taimi e tipi ai le pu!
-
Gagau faa’afa le pepa faataatia.
-
Amata lau tipi i luga o le gagau, fai se tipi tusao i pito taitasi o le pepa, ae taofi ae e te lei taunuu i le faatausiusiuga.
-
Faataamilo i tua ma luma mai lea itu i lea itu, faaauau pea ona tipi fasipepa tusao i totonu o le pepa (e aunoa ma le tipiina i le ala atoa!).
-
Faamisi i luga o fasipepa e lua, ma tipi i luga o le gagau o le pepa.
-
Tatala, ma o iina e te maua ai—o se pu e lava le telē e ofi ai!
-
-
Talanoaina le tulaga e tusa pe o le a le fenumiai pe foliga mai e le mafai, e le faapea ai la e le moni. Na vaai moni lava ia Iosefa Samita i le Tama Faalelagi ma Iesu Keriso.
Atonu e i ai taimi e luitauina ai ou talitonuga e isi, pe e te tau atu foi i ni fesili fenumiai. A tupu lenei mea, mafaufau i le pepa “le mafai”. Filifili e faatuatuaina le Atua ma liliu atu ia te Ia ma isi punavai lelei mo tali.
“O le faatuatua o le faamoemoe lea mo mea e le vaaia ae ua moni. … Ia muamua e masalosalo i ou masalosaloga ae e te lei masalosalo i lou faatuatua.”