O Se Uo Mamae Moni

Joel A., 19 tausaga, Yerevan, Aremania

E fiafia e faia faatufugaga, polokalama, ma aoaoina ni tomai fou, e pei o le kuka.

Sa i ai ni a’u uo na liliu ese mai ia te a’u i le va o le vasega fitu ma le iva. I le taimi muamua ou te lei iloaina o loo latou ula mai ia te au, ae ina ua ou iloa, sa ou te’i ma sa le mafai ona ou malamalama i le mea sa ou sese ai.

Sa ou manatu afai ou te faia le mea o le a faia e Keriso, o le a lelei mea uma. O lea sa faaauau ai pea ona ou agalelei, fesoasoani i tamaiti o la’u vasega i a latou meaaoga, ma faalagolago i le Atua, ma le faatuatuaina o le a i ai se aso o le a avea ai au ma se uo lelei. I le taimi muamua, sa foliga mai e le tele ni suiga. Ae ina ua amata la’u aoga maualuga, sa avea tamaiti o la’u vasega ma ni tagata e sili atu ona lelei.

Ae o le mea e sili ona taua, i na tausaga a o ou sailia ni uo, sa ou iloa ai o la’u uo mamae o Iesu Keriso. E le gata ina sa ou maua ni uo fou i le aoga, ae sa ou faia foi se Uo sili e mafai ona ou maua.