Sauniga o le Afiafi o le Aso Sa
O Tusitusiga Paia—o le Faavae o le Faatuatua
O Nai Vaega
Na ma vaai talu ai nei ma lo’u toalua o Mary, i se mitiafu o i ai se ata o se tusi ma se feau i le pito i luma e faapea: “Tusi: O Le Uluai Masini e Uu i le Lima.” …
Pe uu i le lima pe faatekinolosi, o le Tusi Paia ma le Tusi a Mamona: O Se Tasi Molimau ia Iesu Keriso o loo maua mai ai le taitaiga faaleagaga ma aoaoga mai ia Iesu Keriso, o le Faaola o le lalolagi. …
E pei ona ou ta’ua, sa faagaeetia a’u i le manatu faavae o le uluai masini e uu i le lima—o se tusi. Ae peitai, ua ou iloaina le taua maoae o le initoneti i le lalolagi i ona po nei. … O le Initoneti o se meafaigaluega mamana mo le suesueina o le talalelei. O le taimi nei, e toatele tagata ua latou faasoaina mau ma uo e faaaoga ai le tekinolosi. …
Ua aoao mai e tusitusiga paia i tatou e faaaoga le faautauta ma ia atamamai i mea uma. E mafai ona faaaoga le Initoneti i se ala lelei po o se ala e faataumaoia ai. …
… Aua le mafaufau i anomea lē mama, lē faamaoni, pe amioletonu. … Faatumu lou olaga i aitia lelei, amiotonu, ia olioli, ma ia fiafia ae aloese mai le faavalevalea. E i ai se eseesega. … Mai lo mea uma, ia faatofu oe lava e le aunoa i le Tusi a Mamona, lea o le a aumaia ai le Agaga i lou olaga, ma fesoasoani ai ia e iloatino le mea moni mai le measese.
O la’u fautuaga mo i latou ua o ese mai le ala o feagaiga, e toe foi mai i tusitusiga paia, taitaiga faaperofeta, ola i mataupu faalelotu i le aiga, ma musika o le faatuatua. E matuā taua agaga uma i le Atua. Matou te manaomia outou! E manaomia oe e le Alii, ma e te manaomia o Ia! O le a talileleia oe e le aunoa.