O Le Olioli i Lo Tatou Togiola

O le salamo e mafai ai ona tatou lagonaina le alofa o le Atua ma iloa a alolofa ia te Ia i ni auala semanu tatou te le iloa lava. …

Ou te iloa o lo tatou Alii ma le Faaola, o Iesu Keriso, e malosi aoao e lavea’i. …

Atonu e te lagona i nisi taimi faapea e le mafai ona togiolaina, faapea atonu e tuusaunoaina oe mai le alofa o le Atua ma le mana togiola o le Faaola ona o mea o loo e tauivi ai, pe ona o ni mea sa e faia. Ae ou te molimau atu e te le o mamao mai le aapa mai a le Matai. …

A o tatou ola i a tatou feagaiga, e mafai e le Alii ona aumai ia i tatou le fesoasoani ma le mana tatou te moomia e iloa ai ma faatoilalo o tatou vaivaiga, e aofia ai le fili’a’ati faaleagaga o le faamaualuga. …

… O lo tatou manaomia o le faamalologa ma le fesoasoani e le o se avega mamafa ia te Ia, ae o le mafuaaga tonu lea na Ia afio mai ai. …

O loo silasila mai lo tatou Tama Faalelagi ma le Faaola ia te oe. La te silafia lou loto. La te amana’ia mea e te popole ai, e aofia ai i latou e te alofa i ai. …

Afai o e tauivi ma se tulaga ua e manatu ua tatau ona e faatoilaloina nei, aua e te fiu. Ia onosai ia te oe lava, tausi au feagaiga, ia salamo soo, saili le fesoasoani mai ou taitai pe a manaomia, ma alu i le maota o Ieova i le tele e te mafaia. Faalogologo ma usitai i uunaiga e auina mai e Ia ia te oe. O le a Ia le lafoa’ia lava Lana sootaga faalefeagaiga ma oe. …

O aso taitasi o se aso fou e faatumulia i le faamoemoe ma avanoa ona o Iesu Keriso.