Sauniga o le Afiafi o le Aso Sa
Faafailele A’a, ona Ola ai lea o Lala
O Nai Vaega
O se tasi o mea sili ona taua e mafai ona tatou aoaoina i lenei olaga, o le eseesega lea i le va o le mea e faavavau ma le mea e le faavavau….
… O nisi upumoni e autu, taua, e i le a’a o lo tatou faatuatuaga. O isi o faaopoopoga po o ni lala—taua, ae faato’a taua pe a fesootai i latou i mea faavae. …
I se isi faaupuga, o Iesu Keriso ma Lana taulaga togiola o le a’a lea o la tatou molimau. O isi mea uma o ni lala. …
Pe a oo mai i le faafaileleina o a tatou molimau ia Iesu Keriso, ou te tomanatu pe o tatou aveseseina i nisi taimi ia lala mo a’a. …
E tatau ona tatou fesili ifo ia i tatou lava: Pe o faavae ea la’u molimau i mea ou te faamoemoe e tutupu i lo’u olaga? O faalagolago ea i amioga po o uiga o isi? Pe o faavae ma le mausali i luga o Iesu Keriso, “maua’a ma atiina a’e ia te ia,”[Kolose 2:7], e tusa lava po o a tulaga fesuisuia’i o le olaga? …
E le tatau ona tatou faamoemoe ia malamalama i mea uma ae tatou te le’i faatinoa. E lē o se faatuatua lena mea. … Afai tatou te faatalitali seiloga e tali uma a tatou fesili ona faato’a faatino lea, ua tatou faatapulaaina ma le lamatia le lelei e mafai ona tatou faia, ma ua tatou faatapulaaina le mana o lo tatou faatuatua. …
E onosaia e le faatuatua ia tofotofoga ma mea lē mautonu o le olaga, ona ua maua’a ma le mausali ia Keriso ma Lana mataupu faavae. O Iesu Keriso ma lo tatou Tama oi le Lagi o le na auina mai o Ia, o le faavae e tasi e le mafaaagaeetia, ma faatuatuaina atoatoa o lo tatou. …
O la’u tatalo faamaoni ma faamanuiaga e faapea, o le a tatou faafaileleina pea lava pea ia a’a o lo tatou faatuatua i le Faaola, i Lana aoaoga faavae, ma i Lana Ekalesia.