Mulimuli ai ia Keriso

O le mulimuli ia Keriso e le o se faiga faasamasamanoa pe na o nisi taimi. O se tautinoga faifaipea ma o se ala o le olaga lea e tatau ona taialaina ai i tatou i taimi uma ma i nofoaga uma. O Ana aoaoga ma Lana faataitaiga ua maioio ai le ala mo soo uma o Iesu Keriso.

O poloaiga a le Atua ua saunia ai le malosiaga taiala ma le mautu i o tatou olaga.

O se tasi o aoaoga a lo tatou Faaola ua foliga mai e manaomia ai le toefaamamafa i tulaga o o tatou taimi.

O se taimi lenei o le tele o upu mamafa ma faatiga i talanoaga faitele ma o nisi taimi ua oo lava i o tatou aiga. …

O a mea e tatau i soo o Keriso ona aoao atu ma fai i le taimi lenei o fesootaiga ma talanoaga le lelei? O a Ana aoaoga ma faataitaiga? …

… E manaomia ona tatou alolofa ma faia mea lelei i tagata uma. E manaomia ona tatou aloese mai finauga ma ia avea o ni e e faatupuina le filemu i a tatou fesootaiga po o talanoaga uma. E le faapea ai e fetuunai a tatou mataupu faavae ma mea e faamuamua, ae ia tuu le osofa’ia ma le pa’a’a o isi ona o a latou mataupu. O le mea lena na fai e lo tatou Faataitaiga Atoatoa i Lana misiona. O le faataitaiga lena na ia faia mo i tatou a o Ia valaaulia i tatou e mulimuli atu ia te ia.

I le avea ai o ni soo o Keriso, tatou te aoao atu ma molimau atu e uiga ia Iesu Keriso, lo tatou Faataitaiga Atoatoa. O lea ia tatou mulimuli ia te Ia e ala i le lafoai ese o finauga. A o tatou tulitulimatagauina a tatou aiaiga tatou te fiafia i ai i faatinoga lautele, ia tatou agavaa mo Ana faamanuiaga e ala i le faaaogaina o le gagana ma metotia a i latou e faatupuina le filemu. I o tatou aiga ma isi sootaga patino, ia tatou aloese mai mea pa’a’a ma le inosia.