“Faauta o Au o le Malamalama Lea e Tatau Ona Outou Tuu i Luga”

E le o misi le Faaola mai a tatou faigamalaga o le olaga nei. … E faafia ona Ia lagolagoina i tatou, i Lona alofa mama a’ia’i ma le alofamutimutivale, pe a tatou feagai ma faafatiatama’i o le olaga. …

E iloagofie lena alofa pe a tatou lagolagoina le tasi ma le isi i Lana galuega.

Tatou te lagolagoina lo tatou perofeta soifua i le konafesi aoao, ma le Au Peresitene Sili, o le Korama a Aposetolo e Toasefululua, Au Pulega Aoao, ma Taitai o le Ekalesia. O le lagolago o lona uiga ia tuu i luga se isi tagata, ia avatu ia i latou la tatou gaua’i, ia faamaoni i lo latou faatuatuaga, ia galulue e faatino a latou upu. Latou te saunoa e ala i musumusuga a le Alii; latou te malamalama i faafitauli o i ai nei, le fāiifo o le tausaafia o le sosaiete ma taumafaiga faateleina a le fili e faatama’ia le fuafuaga a le Tamā. O le tuuina i luga o o tatou lima, ua tatou tuuto atu ai la tatou lagolago, e le mo na o lena taimi ae i o tatou olaga i aso taitasi. …

… Tatou te tuu i luga le malamalama o le Alii pe a tatou pipiimau ia tatou feagaiga ma pe a tatou lagolago i lo tatou perofeta soifua a o ia saunoa mai i afioga a le Atua. …

Ina ia tuu i luga le perofeta o se galuega paia. Tatou te le na ona nofonofo fifilemu ae puipuia faamo’imo’i o ia, mulimuli i ana fautuaga, aoao atu ana upu, ma tatalo mo ia. …

Uso e ma tuafafine, e tatau ona tele atu lo tatou faia o le siitiaina ae faaitiitia le muimui, sili atu le lagolagoina o le afioga a le Alii, Ona ala, ma Lana perofeta. …

…. A o tatou lagolagoina lo tatou perofeta, ua tatou molimau atu ua tofia o ia e lo tatou Faaola, o ia “o le malamalama … o le lalolagi.”